ന്യൂഡൽഹി: ഡൽഹി സീറോ മലബാർ യൂത്ത് മൂവ്‌മെന്റിന്റെ (ഡിഎസ് വൈഎം) ആഭിമുഖ്യത്തിൽ ഓണാഘോഷം നടത്തി. സെപ്റ്റംബർ 27നു വൈകുന്നേരം നാലിനു ജന്തർ മന്തറിലാണ് ആഘോഷ പരിപാടികൾ അരങ്ങേറിയത്. ആഘോഷ പരിപാടികളുടെ ഭാഗമായി വിവിധ സാംസ്‌കാരിക പരിപാടികളും അരങ്ങേറി. ഐസിവൈഎം നാഷണൽ യൂത്ത് ഡയറക്ടർ ഫാ. ദീപക് കെ.ജെ. തോമസ് ഒസിഡി, ദീപിക അസോസിയേഷറ്റ് എഡിറ്റർ ജോർജ് കള്ളിവയലിൽ, ലഫ്. കേണൽ രമേഷ് എന്നിവർ മുഖ്യാതിഥികളായി പങ്കെടുത്തു.

ഫരീദാബാദ് രൂപതയിലെ വിവിധ ഇടവകകളിൽനിന്നുള്ള വിശ്വാസികൾ പങ്കെടുത്ത ആഘോഷപരിപാടികളിൽ ഓണപ്പാട്ട്, വഞ്ചിപാട്ട്, തിരുവാതിര, പുലി കളി തുടങ്ങിയവ അരങ്ങേറി. ഓണാഘോഷത്തിന്റെ ഭാഗമായി പായസ വിതരണവും നടത്തി. ദേശിയഗാനത്തോടെ ആഘോഷ പരിപാടികൾ സമാപിച്ചു.

റിപ്പോർട്ട്: റെജി നെല്ലിക്കുന്നത്ത്