സംസ്ഥാനത്ത് ഇനി ഡിജിറ്റൽ റീസർവേ മാത്രമെന്ന് റവന്യുമന്ത്രി; ഭൂമിയിടപാടുകളിലെ തട്ടിപ്പ് തടയാൻ നടപടിയുമായി സർക്കാർ; സർവ്വെ പൂർത്തിയാക്കുക നാലുവർഷം കൊണ്ട്; ഒരാൾക്ക് ഒരു തണ്ടപ്പേരെന്നും മന്ത്രി

തിരുവനന്തപുരം: ഭൂമിയിടപാടുകളിലെ തട്ടിപ്പ് തടയുന്നതിന് പുതിയ നടപടിയുമായി സംസ്ഥാന സർക്കാർ. ഒരാൾക്ക് ഒരു തണ്ടപ്പേര് കൊണ്ടുവരുമെന്ന് റവന്യൂമന്ത്രി കെ രാജൻ പറഞ്ഞു.

സംസ്ഥാനത്തെ 1550 വില്ലേജുകളിൽ നാല് വർഷം കൊണ്ട് ഡിജിറ്റൽ റീസർവേ പൂർത്തിയാക്കും.നാല് ഘട്ടമായി പൂർത്തിയാക്കുന്ന പദ്ധതിക്ക് 807 കോടി രൂപയാണ് ചെലവ്.

അധ്യാധുനിക ഡ്രോണുകൾ, ലഡാറുകൾ എന്നിവ ഉപയോഗിച്ച് ആണ് സർവേ. ഇങ്ങനെ ഒരു വില്ലേജിൽ അഞ്ചര മാസത്തിനുള്ളിൽ ദിവസങ്ങൾക്കുള്ളിൽ റീസർവേ പൂർത്തിയാക്കാൻ കഴിയുമെന്നും മന്ത്രി അറിയിച്ചു.

ഒരു വില്ലേജിൽ ആദ്യം സർക്കാർ സ്ഥലങ്ങളിൽ റീസർവേ പൂർത്തീകരിക്കും. ഡിജിറ്റൽ റീസർവേ ആയിരിക്കും അന്തിമം. ഡിജിറ്റൽ സർവേയിൽ പരാതികൾ ഉയർന്നാൽ പരിശോധിക്കും.ഡിജിറ്റൽ റീസർവേ പൂർത്തീകരണത്തിലൂടെ ഭൂ അവകാശ തർക്കങ്ങളിൽ തീരുമാനം ആകുമെന്നും റവന്യുമന്ത്രി തിരുവനന്തപുരത്ത് പറഞ്ഞു.