ശൈലജ ടീച്ചറിന്റെ കാലത്ത് ഷൈൻ ചെയ്യുകയും ഗുഡ് ബുക്‌സിൽ ഇടം പിടിക്കുകയും ചെയ്തതോടെ ശത്രുക്കൾ ഏറിയോ? സാമൂഹിക സുരക്ഷാ മിഷൻ ഡയറക്ടർ ആയിരുന്ന ഡോ.മുഹമ്മദ് അഷീലിനെ അപ്രധാന പദവിയിൽ ഒതുക്കിയെന്ന വിവാദം ചൂടുപിടിക്കുന്നു; കഥ അറിയാതെ ആട്ടം കാണുന്നുവെന്ന് ഡോക്ടറും
തിരുവനന്തപുരം: ഒന്നാം പിണറായി സർക്കാരിന്റെ കാലത്ത് ആരോഗ്യമന്ത്രി കെ.കെ ശൈലജയുടെ കോവിഡ് പ്രതിരോധ ടീമിൽ ഊർജ്ജസ്വലമായ പ്രവർത്തനങ്ങൾക്ക് നേതൃത്വം നൽകിയത് സാമൂഹിക സുരക്ഷാ മിഷൻ ഡയറക്ടറായ മുഹമ്മദ് അഷീലായിരുന്നു. ടീച്ചർക്ക് അമിത പ്രാധാന്യം കിട്ടാൻ ഡോക്ടർ അഷീൽ സോഷ്യൽ മീഡിയയിൽ ഇടപെടലുകൾ നടത്തിയതെന്ന ആരോപണം ഉയർന്നിരുന്നു. മാതൃവകുപ്പിലേക്ക് പോകാൻ ഡോ.അഷീൽ അപേക്ഷ നൽകിയെങ്കിലും ഉത്തരവ് ഇറങ്ങിയപ്പോൾ വ്യാഖ്യാനങ്ങൾ പലത് വന്നു. കണ്ണൂർ ജില്ലാ ആശുപത്രിയിൽ പോലും പോസ്റ്റിങ് നൽകാതെ പയ്യന്നൂർ താലൂക്ക് ആശുപത്രിയിലെ അപ്രധാനമായ കസേരയിൽ ഒതുക്കിയതെന്ന ആരോപണവും ഉയർന്നിട്ടുണ്ട്. എന്നാൽ, ഇതൊക്കെ അനാവശ്യ വിവാദങ്ങളെന്ന് ഡോ.മുഹമ്മദ് അഷീൽ ഫേസ്‌ബുക്ക് കുറിപ്പിൽ പറഞ്ഞു.
തന്റെ സേവന ചരിത്രം വിശദീകരിച്ച് കൊണ്ടാണ് ഡോക്ടർ തന്നെ ഒതുക്കിയെന്ന ആരോപണങ്ങളുടെ മുന ഒടിച്ചത്. സാമൂഹ്യ നീതി വകുപ്പിലെ ഡപ്യൂട്ടേഷൻ അവസാനിച്ചപ്പോൾ അടുത്ത പ്രത്യേക ചുമതലയ്ക്ക് മുൻപ് തിരിച്ച് ആരോഗ്യ സർവീസിൽ എവിടെ എങ്കിലും കയറണം. അങ്ങനെ ഓപ്ഷൻസ് നോക്കിയപ്പോൾ നാട്ടിൽ പയ്യന്നൂരിൽ ഒഴിവുള്ളതുകൊണ്ടാണ് അത് തിരഞ്ഞെടുത്തതെന്നും അദ്ദേഹം കുറിച്ചു.
പബ്ലിക് ഹെൽത്തിൽ ബിരുദാനന്തര ബിരുദം എടുത്തിട്ട് 11 വർഷം സർവീസിൽ കയറിയ താൻ ഇപ്പോഴും അസിസ്റ്റന്റ് സർജൻ ആയി തുടരുന്നതിന്റെ കാരണവും അദ്ദേഹം വിശദീകരിക്കുന്നുണ്ട്..
ഡോ.മുഹമ്മദ് അഷീലിന്റെ പോസ്റ്റ് ഇങ്ങനെ:
എന്തൊക്കെ അനാവശ്യ വിവാദങ്ങൾ ആണ്..
സാമൂഹ്യ സുരക്ഷ മിഷനിലെ deputation അവസാനിപ്പിച്ചു ആരോഗ്യവകുപ്പിലേക്ക് ഞാൻ തിരിച്ചു join ചെയ്തപ്പോൾ അതും വിവാദം. please understand the fact about it.
അത് clear ആവണമെങ്കിൽ എന്റെ service history ബ്രീഫ് ആയി പറയണം. 2010 ൽ സെർവിസിൽ കയറിയതിനു ശേഷം ഇതുവരെ 11 വർഷം സെർവിസിൽ Govt നൽകിയ പോസ്റ്റിങ്സ് and responsibilities താഴെ വിവരിക്കുന്നു.
2010 Jan: Joined in Service in Mayyil CHC as Assistant surgeon. അവിടുന്ന് അതേ മാസം transfered to Trivandrum thycaud hospital as CMO. എന്നിട്ട് അവിടെ ലീൻ നിർത്തി കൊണ്ട് അന്നത്തെ health minister ന്റെ camp ഓഫീസിലെ State Disease Control and Monitoring Cell ൽ posting as public health consultant (as i had PG in public health while joining service). അവിടെ 2011 March വരെ Work ചെയ്തു. അവിടെ ഇരിക്കുമ്പോൾ Jan 2011 Endosulfan victims Rehabilitation ന്റെ ചുമതലയും ഏല്പിച്ചു. അവിടെ ഇരിക്കുമ്പോൾ ആണ് 2011 ഏപ്രിലിൽ നടന്ന Geneva കൺവെൻഷന് പോകുന്നത്.
2011 മാർച്ചിൽ thycaud hospitalil ലെ ലീനിലേക്ക് തിരിച്ചു പോയി അവിടുന്ന് deputation ൽ National Health Mission ന്റെ കണ്ണൂർ district program manager ആയി. അവിടുന്ന് കാസറഗോഡ് DPM ആയി transfer ആയി. Then 5 വർഷം കാസറഗോഡ് DPM NHM + Asst nodal officer Endosulfan victims Rehab project. ഇതിന്റെ ഇടയിൽ 2012 ൽ national level selected Young leaders in Health in India എന്ന നിലയിൽ ഇന്ത്യയിൽ നിന്ന് select ചെയ്യപ്പെട്ട young Drs and IAS officers ഉൾപ്പെട്ട 13 അംഗ ടീമിന്റെ ഭാഗമായി ജപ്പാനിൽ ഒരു മാസം ട്രൈനിങ്ങിനു govt of india അയച്ചു.
തുടർന്ന് 2012 ൽ തന്നെ state trauma care nodal ഓഫീസറായി നിയമനം നൽകി. In addition to charges in kasaragod. ഇതിനു പുറമെ പിന്നീട് 2014 ൽ home dept ന്റെ SMILE (Seamless Medical Interventions in Live threatening Emergencies ) എന്നതിന്റെ project director ന്റെ ഉത്തരവാദിത്വവും ഏല്പിച്ചു. So 4 responsibilities at a time.
ഇതിനോടൊപ്പം 2015 ൽ central govt ന്റെ National Technical expert committee on Trauma and emergency care ന്റെ ഭാഗമായി (കാരണം അതിന്റെ കരട് രേഖ എന്റേതായിരുന്നു ) govt of india നിർദ്ദേശ പ്രകാരം ഇന്ത്യയിലെ 15 സംസ്ഥാനങ്ങളിൽ state trauma system action plan ഉണ്ടാക്കാൻ അവിടങ്ങളിൽ സന്ദർശിച്ചു ട്രെയിനിൽ നൽകി.
2016 ൽ NHM ൽ deputation അവസാനിച്ചപ്പോൾ തിരിച്ച് *വീണ്ടും thycaud ഹോസ്പിറ്റലിൽ Asst Surgeon ആയി കയറി. തുടർന്ന് kerala oscial security mission executive Director ആയി സർക്കാർ നിർദ്ദേശ പ്രകാരം സാമൂഹ്യ നീതി വകുപ്പിലേക്ക്.. വീണ്ടും deputation from thycaud hospital.ED KSSM ആയിരിക്കെ 2018 ൽ NIPMR ന്റെ ED യുടെ additional charge നൽകി. os 2016 to 21 again on deputation from thycaud hospital. അതിന്റെ ഇടയിൽ break the chain campaign ഭാഗമായി covid പ്രതിരോധ ബോധവൽക്കരണം ഏറ്റെടുത്തു.
ഏറ്റെടുത്ത എല്ലാ ഉത്തരവാദിത്വവും ഒരു passionate govt public health proffesional എന്ന നിലയിൽ പൂർണ്ണ സമർപ്പണത്തോടെ ഭംഗിയായി തന്നെ ചെയ്തു ?..With my team and support from all.
ഇപ്പോൾ സാമൂഹ്യ നീതി വകുപ്പിൽ deputation അവസാനിച്ചു. ഇനി അടുത്ത special assigment നു മുൻപ് തിരിച്ച് health സെർവിസിൽ join എവിടെ എങ്കിലും ചെയ്യണം. Options നോക്കിയപ്പോൾ നാട്ടിൽ പയ്യന്നൂരിൽ vaccancy ഉണ്ട്. So അവിടെ choose ചെയ്തു.
അപ്പൊ സ്വാഭാവികമായ ചോദ്യം ഉണ്ടാവാം... public health post graduation എടുത്തിട്ട് 11 വർഷം സെർവിസിൽ കയറിയ നീ ഇപ്പോഴും asst surgeon ആണോ എന്ന്.. admin cadre നേരത്തേ opt ചെയ്‌തെങ്കിൽ ഇപ്പോൾ മിനിമം Asst Director ആവില്ലായിരുന്നോ?? അതുമല്ലെങ്കിൽ 8 വർഷം കഴിഞ്ഞാൽ civil surgeon ആകാമായിരുന്നല്ലോ എന്നൊക്കെ... അതു 100% ശെരിയാണ്. സ്വന്തം Service കാര്യങ്ങൾ ഒന്നും നോക്കിയില്ല. എന്തിനധികം salary പോലും 6 വർഷം മുൻപത്തെ അതേ രീതിയിലായിരുന്നു വാങ്ങികൊണ്ടിരുന്നത് ... അത് എന്റെ മാത്രം mistake.??
അവസാനം Salary ഇപ്പോൾ follow up ചെയ്ത് ശെരിയാക്കി തന്നത് ആലപ്പുഴയിലെ എന്റെ പ്രിയപ്പെട്ട juniors Dr Arun PV Pv Arun and Dr.Diana യും ചേർന്നാണ്. But service seniority and admin cadre issues pending. So to cut it short... i am back to my parent dept?.. Joined in an available and convienient lean...Waiting for new special assignment???. Excited and rejuvenating myself for the same.
അപ്പൊ ഇത്രേ ഉള്ളൂ കാര്യം... os please cut the controversies on this... ചുമ്മാ എന്തെല്ലോ വച്ച് connect ചെയ്തു complicate ചെയ്യല്ലേ
ഒന്നാം പിണറായി സർക്കാരിൽ സാമൂഹ്യസുരക്ഷാ മിഷൻ ഡയറക്ടർ സ്ഥാനത്തു പ്രവർത്തിച്ച ഡോക്ടർ മുഹമ്മദ് അഷീലിന്റെ ഏകോപന മിടുക്കാണ് കോവിഡ് നിയന്ത്രണങ്ങളിൽ നിർണായകമായത്.ആരോഗ്യമന്ത്രി കെ.കെ ശൈലജ ലോകമെങ്ങും പ്രകീർത്തിക്കപ്പെട്ടതും അഷീലിന്റെയും ടീമിന്റെയും ഊർജ്ജസ്വലങ്ങളായ പ്രവർത്തനങ്ങൾ കാരണമായിരുന്നു. സോഷ്യൽമീഡിയയിലൂടെ മന്ത്രി കെ.കെ ശൈലജയ്ക്കു ഇതു ഏറെ പ്രശസ്തി നേടിക്കൊടുക്കുകയും ചെയ്തു. കോവിഡ് കാലത്ത് കേരളം തീർത്ത പ്രതിരോധത്തിന് നിരവധി രാജ്യാന്തര അംഗീകാരങ്ങളാണ് കെ.കെ ശൈലജയെ തേടിയെത്തിയത്. ലോക പ്രശസ്ത ഫോബ്‌സ് മാസികയുടെ കവർ ചിത്രമായി പോലും കേരളത്തിന്റെ ആരോഗ്യ മന്ത്രി തെരഞ്ഞെടുക്കപ്പെട്ടു.
ബി.ബി.സിയിൽ കോവിഡ് പ്രതിസന്ധിയെ മറികടക്കുന്നതിനായി വിവിധരാജ്യങ്ങളിലെ പ്രതിനിധികൾ നടത്തിയ ചർച്ചയിൽ ഇന്ത്യയിലെ ആരോഗ്യമന്ത്രിമാരെ പ്രതിനിധീകരിച്ചത് കെ.കെ ശൈലജയായിരുന്നു. ഇതോടെയാണ് തനിക്കു മുകളിൽ വളരുന്നുവെന്ന തോന്നലുണ്ടായതിനെ തുടർന്ന് മുഖ്യമന്ത്രി പിണറായി വിജയൻ വാർത്താസമ്മേളനങ്ങളും കോവിഡ് പ്രതിരോധ പ്രവർത്തനങ്ങളും നേരിട്ട് ഏറ്റെടുത്തത്. ഇതോടെ അന്നുവരെ തിളങ്ങിയിരുന്ന മന്ത്രി കെ.കെ ശൈലജയ്ക്കു മുഖ്യമന്ത്രിയുടെ ഇടതു ഭാഗത്ത് നിസഹായമായി ഇരിക്കേണ്ടി വന്നു.
രണ്ടാം പിണറായി സർക്കാരിൽ മന്ത്രി സ്ഥാനത്തു നിന്നും കെ.കെ ശൈലജ ഒഴിവാക്കപ്പെടാൻ തന്നെ കാരണം അവർ നേടിയ ആഗോള പ്രശസ്തിയായിരുന്നു എന്ന വാദം സജീവ ചർച്ചയായിരുന്നു. ഒന്നാം പിണറായി സർക്കാരിൽ ആരോഗ്യവകുപ്പിന് ഊർജ്ജവും ദിശാബോധവും പകർന്ന ആരോഗ്യപ്രവർത്തകരിലൊരാളായിരുന്നു ഡോ.മുഹമ്മദ് അഷീലിൽ. ചാനലുകൾ നടത്തിയ കോവിഡ് ചർച്ചകളിൽ വളരെ കൃത്യമായും ശാസ്ത്രീയമായും കാര്യങ്ങൾ അവതരിപ്പിച്ചു കൊണ്ടുള്ള ഡോക്ടർ അഷീലിന്റെ ഇടപെടലുകൾ ഏറെ കൈയടി നേടിക്കൊടുത്തിരുന്നു.
തൃശൂർ കേന്ദ്രമായുള്ള നാഷനൽ ഇൻസ്റ്റിറ്റ്യൂട്ട് ഓഫ് ഫിസിക്കൽ മെഡിസിൻ ആൻഡ് റിഹാബിലിറ്റേഷന്റെ ചുമതലയും അദ്ദേഹം വഹിച്ചിരുന്നു. ഈ ചുമതലകളിൽ നിന്നുമെല്ലാം ഒഴിവാക്കിയാണ് ഡോക്ടർ മുഹമ്മദ് അഷീലിന് പയ്യന്നൂർ താലൂക്ക് ആശുപത്രിയിൽ നിയമനം നൽകിയത്. പയ്യന്നൂർ ആശുപത്രിയിൽ കാഷ്വലിറ്റി മെഡിക്കൽ ഓഫിസറായിട്ടാണ് അദ്ദേഹത്തിന് നിയമനം നൽകിയിട്ടുള്ളത്
