തിരുവനന്തപുരം: പ്രേക്ഷകരുടെ കാത്തിരിപ്പിന് ആവേശം നിറച്ച് വീണ്ടും ദൃശ്യം 2 ടീസർ. ചിത്രത്തിന്റെ രണ്ടാം ടീസറും പ്രേക്ഷകരെ ആകാംഷയുടെ മുൾമുനയിൽ നിർത്തുന്നതാണ്. താരങ്ങൾ അടക്കമുള്ളവർ ട്രെയിലർ ഷെയർ ചെയ്തിട്ടുണ്ട്. ഒന്നാം ഭാഗത്തിന്റെ വ്യക്തമായ തുടർച്ച തന്നെയാണ് രണ്ടാം ഭാഗവും എന്നതാണ് ട്രെയിലറിൽ നിന്ന് വ്യക്തമാകുന്നത്.

മനുവിന്റെ കൊലപാതക കേസ് വീണ്ടും അന്വേഷിക്കുന്നുണ്ട് രണ്ടാം ഭാഗത്തിലും. മോഹൻലാൽ ചെയ്യുന്ന കഥാപാത്രമായ ജോർജുകുട്ടി എങ്ങനെയാകും അന്വേഷണങ്ങളെ നേരിടുക. അതുതന്നെയാണ് രണ്ടാം ഭാഗത്തിലും പറയുന്നത്. ഇത്തവണ മുരളി ഗോപിയും അന്വേഷണ ഉദ്യോഗസ്ഥനായി എത്തുന്നുവെന്ന് ട്രെയിലറിൽ നിന്ന് വ്യക്തമാകുന്നു. ട്രെയിലർ താരങ്ങൾ തന്നെ ഷെയർ ചെയ്തിട്ടുണ്ട്. മൃതദേഹം എവിടെയാണ് കുഴിച്ചിട്ടിരിക്കുന്നത് എന്ന് മറ്റുള്ളവർ മനസിലാക്കുമോയെന്ന ചോദ്യം കഥാനായകന്റെ കുടുംബത്തിൽ നിന്ന് വരുന്നതായി ട്രെയിലറിൽ നിന്ന് വ്യക്തമാകുന്നു.

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രത്തിന്റെ രചനയും സംവിധാനവും ജീത്തു ജോസഫ് ആണ്. ഛായാഗ്രഹണം സതീഷ് കുറുപ്പ്. എഡിറ്റിങ് വി എസ് വിനായക്. ചീഫ് അസോസിയേറ്റ് ഡയറക്ടേഴ്‌സ് അർഫാസ് അയൂബ്, സുധീഷ് രാമചന്ദ്രൻ. സംഗീതം അനിൽ ജോൺസൺ.

ദൃശ്യം 2സെക്കന്റ് ടീസർ