ന്യൂയോർക്ക്: ലോകത്തിന്റെ വിവിധ ഭാഗങ്ങളിലായി ഇന്നും ഭാരതീയരായി തന്നെ  ജീവിക്കുന്ന പ്രവാസി ഇന്ത്യക്കാർക്ക് ഇരട്ടപൗരത്വം ലഭിക്കണമെന്നാവശ്യപ്പെട്ടുകൊണ്ട്   കേരളാ വിഷൻ, പിന്റോ ഗ്ലോബൽ മീഡിയ, ലിജോ ജോൺ എന്നിവർ നടത്തുന്ന ഒപ്പു ശേഖരണത്തിന് സമ്മിശ്ര പ്രതികരണം. ഒപ്പുശേഖരണത്തെ പറ്റിയുള്ള പ്രതികരണങ്ങൾ ഉൾക്കൊള്ളിച്ചുകൊണ്ടുള്ള  ഒരു വീഡിയോ കാമ്പയിനും സംഘാടകർ ആരംഭിച്ചിട്ടുണ്ട്. അനേകായിരം ആൾക്കാർ വാർത്തകൾ വായിച്ചുവെങ്കിലും എന്തുകൊണ്ടോ ഇപ്പോഴും 174 ഒപ്പുകൾ മാത്രമേ ശേഖരിക്കാൻ  കഴിഞ്ഞിട്ടുള്ളു അതിനാൽ കൂടുതൽ പേർ ഈ കാമ്പയിനിൽ പങ്കെടുക്കാൻ മുന്നോട്ടു വരണമെന്നും സംഘാടകർ അഭ്യർത്ഥിച്ചു.

ഒപ്പുരേഖപ്പെടുത്തുന്നതിനുള്ള സൈറ്റിൽ പോകുമ്പോൾ, ആദ്യം കാണുന്നത്  'സംഭാവന'  നല്കാൻ ആവശ്യപ്പെട്ടുകൊണ്ടുള്ള  സന്ദേശമായതിനാലായിരിക്കും ഒപ്പുശേഖരണം ശക്തമായ രീതിയിൽ നടക്കാത്തിന് പ്രധാനകാരണമെന്നാണ് വിലയിരുത്തുന്നത്. എന്നാൽ  അത് ഒഴിവാക്കി നേരെ ഒപ്പിടാൻ സാധിക്കുന്ന ഓപ്ഷനിലേക്ക്  പോകാമെന്നും സംഘാടകർ അറിയിച്ചു. തോമസ് കൂവള്ളൂരും അദ്ദേഹം നേതൃത്വം നല്കുന്ന 'ജസ്റ്റീസ് ഫോർ ഓൾ' എന്ന മനുഷ്യാവകാശ സംരക്ഷണ പ്രസ്ഥാനം  ഇതിന് പിന്തുണയർപ്പിച്ചുകൊണ്ട് മുന്നോട്ടുവന്നിട്ടുണ്ട്.  ആ സംഘടന നയിക്കുന്ന ടെലികോൺഫറൻസിലും പങ്കെടുക്കാൻ മറക്കരുതെന്ന് അഭ്യർത്ഥനയുണ്ട്.
ഒപ്പുശേഖരണത്തെ പറ്റിയുള്ള  വീഡിയോ  കാമ്പയിനിൽ പങ്കെടുക്കാനും  അതിനെക്കുറിച്ച് കൂടുതൽ അറിയാനും  ആഗ്രഹിക്കുന്നവർ താഴെപ്പറയുന്ന നമ്പരിൽ വിളിക്കുക.

ഫിലിപ്പ് മാരേട്ട്   973 715 4205, ജോസ് പിന്റോ സ്റ്റീഫൻ  201 602 5091,  ലിജോ ജോൺ  516 946 2222. താഴെ കൊടുത്തിരിക്കുന്ന ലിങ്കിൽ ക്ലിക്ക് ചെയ്താൽ ഒപ്പ് രേഖപ്പെടുത്താൻ സാധിക്കും. ഫിലിപ്പ് മാരേട്ട് അറിയിച്ചതാണിത്. 
CLICK HERE