ദുബൈ: ഇ.എം.ഇ.എ കോളേജ് യൂണിയൻ മുൻ ചെയർമാനും ബഹുമുഖ പ്രതിഭയും നിയമ മേഖലയിൽ നിറസാന്നിധ്യവുമായിരുന്ന അഡ്വക്കേറ്റ് പി.കെ ഫൈസലിന്റെ നാമധേയത്തിൽ കൊണ്ടോട്ടി ഇ.എം.ഇ.എ കോളേജ് അലുംനി യു.എ.ഇ ചാപ്റ്റർ ഏർപ്പെടുത്തിയ 'സോഷ്യൽ ഡിഗ്നിറ്റി അവാർഡ്' യു.എ ഇ കെ.എം.സി.സി പ്രസിഡന്റ് ഡോക്ടർ പുത്തൂർ റഹ്മാൻ സാഹിബിനു സമ്മാനിച്ചു. അജ്മാൻ വുഡ്ലേം പാർക്ക് സ്‌കൂളിൽ വെച്ചു നടന്ന യു.എ.ഇ 

ഇ.എം.ഇ.എ മെഗാ അലുംനി മീറ്റ് 'എമിസ്റ്റാൾജിയ '18' ൽ വെച്ചു അജ്മാൻ റോയൽ ഫാമിലിയിലെ ശൈഖ് അബ്ദുല്ല ബിൻ സഖർ അൽ നുഹൈമിയാണ് അവാർഡ് വിതരണം നടത്തിയത്.

കാലിക്കറ് യൂണിവേഴ്‌സിറ്റി ഫിസിക്കൽ എഡ്യൂക്കേഷൻ ഡയറക്ടർ ഡോക്ടർ വി.പി സകീർ ഹുസൈൻ മുഖ്യാതിഥി ആയിരുന്നു. ഇ.എം.ഇ.എ കോളേജ് ഇന്റെർണൽ ക്വാളിറ്റി അസ്സുറൺസ് സെൽ (IQAC) ഏർപ്പെടുത്തിയ ബെസ്റ്റ് ട്രൈനെർ അവാർഡിന് അർഹനായ സി.എ സലാമിന് ഡോക്ടർ പുത്തൂർ റഹ്മാൻ മൊമെന്റോ നൽകി. സുഹൈന വാഴക്കാട് ബെസ്റ്റ് കണ്ടന്റ് റൈറ്റർ പുരസ്‌കാരത്തിനും ബേബി ഷെമിന ചുക്കാൻ ബെസ്റ്റ് നെയിം നോമിനേഷൻ പുരസ്‌കാരത്തിനും അർഹരായി.

പൂർവ വിദ്യാർത്ഥിയും പ്രശസ്ത മോട്ടിവേഷൻ ട്രെയ്‌നറുമാ സി.എ സലാം ക്ലാസ്സെടുത്തു. കുട്ടികൾക്കും രക്ഷിതാക്കൾക്കും പ്രത്യകം വിനോദ പരിപാടികളും സംഘടിപ്പിച്ചു. അലുംനി പ്രസിഡന്റ് പി.അബ്ദുൽ ജലീൽ അധ്യക്ഷം വഹിച്ചു. പപ്പായ മ്യൂസിക് ബാൻഡ് ടീം അവതരിപ്പിച്ച മ്യൂസിക് നെറ്റും അരങ്ങേറി. മജീദ് പന്തല്ലൂർ, വി.ടി.എം മുസ്തഫ വേങ്ങര , കെ.പി സാജിദ് കുറ്റൂർ, ഷാനൂഫ് മൊക്കാൻ, നൗഫൽ എ.പി, സൈദലവി എന്നിവർ പങ്കെടുത്തു. ശരീഫ് നെല്ലൂർ, ലാഹുൽ സാദിഖ് കാപ്പൻ,അജിഷ മുഹമ്മദ്, നിഷ, നേതൃത്വം നൽകി . സലാം ചെമ്മാട് സ്വാഗതഗവും നജ്മുദ്ധീൻ നന്ദിയും പറഞ്ഞു