ദുബായ്: വൈ.എം.സി.എ ദുബായുടെ ഒൻപതാമത് എക്യൂമിനിക്കൽ കൺവൻഷൻ ദുബായ് ട്രിനിറ്റി ദേവാലയത്തിൽ ആരംഭിച്ചു. ദുബായ് സെന്റ് തോമസ് ഓർത്തഡോക്‌സ് കത്തീഡ്രൽ വികാരി ഫാ. നൈനാൻ ഫിലിപ്പ് കൺവൻഷൻ ഉദ്ഘാടനം ചെയ്തു. ദുബായ് വൈ.എം.സി.എ പ്രസിഡന്റ് മാത്യു ചാക്കോ കൊച്ചയ്‌പ്പ് അധ്യക്ഷത വഹിച്ചു.

മാർത്തോമ്മാ സഭയിലെ സുവിശേഷകൻ റവ. എം.സി. സാമുവേൽ മുഖ്യ പ്രഭാഷണം നടത്തി. ദുബായ് സെന്റ് തോമസ് ഇവാഞ്ചലിക്കൽ ചർച്ച് വികാരി ഫാ. ഷാജി ഫിലിപ്പ്, ദുബായ് വൈ.എം.സി.എ സെക്രട്ടറി ചാക്കോ ഉമ്മൻ, ദുബായ് മാർത്തോമ്മാ ഇടവക സഹ വികാരി റവ. ജോ മാത്യു, ദുബായ് സി.എസ്.ഐ. ഇടവക വികാരി റവ.ഡോ. പി.കെ. കുരുവിള, ദുബായ് വൈ.എം.സി.എ സ്ഥാപക പ്രസിഡന്റ് മനോജ് ജോർജ് എന്നിവർ പ്രസംഗിച്ചു.

വൈ.എം.സി.എ ക്വയർ ഗാന ശുശ്രൂഷ നടത്തി. കൺവൻഷൻ ബുധനാഴ്ച സമാപിക്കും,