ദുൽഖർ വളരെ ക്യൂട്ടാണ് ഒപ്പം മികച്ച നടനും; അദ്ദേഹത്തൊടൊപ്പം അഭിനയിക്കാൻ കാത്തിരിക്കുന്നു; മലയാളത്തിന്റെ ഡി ക്യുവിനെ പുകഴ്‌ത്തി സോനം കപൂർ; വിവാഹ ശേഷമുള്ള ബോളിവുഡ് സുന്ദരിയുടെ ചിത്രം ദുൽഖറിനൊപ്പം
ദുൽഖർ സൽമാൻ മലയാളത്തിനൊപ്പം ബോളിവുഡിലും ചുവടുറപ്പിക്കുകയാണ്. ബോളിവുഡിലെ അരങ്ങേറ്റ ചിത്രം കാർവാന്റെ റിലീസിനായി കാത്തിരിക്കെ നടന്റെ അടുത്തചിത്രവും പ്രഖ്യാപിച്ചിരുന്നു. ബോളിവുഡ് സുന്ദരി സോനം കപൂറിന്റെ ജോഡിയായിട്ടാണ് ദുൽഖർ 'ദ സോയ ഫാക്ടറി'ൽ എത്തുന്നത്. വിവാഹത്തിന് ശേഷം സോനം അഭിനയിക്കുന്ന ചിത്രങ്ങളിലൊന്നാണ് ദ സോയാ ഫാക്ടർ. ഇപ്പോഴിതാ സോനം ദുൽഖറിനൊപ്പം അഭിനയിക്കാൻ കാത്തിരിക്കുകയാണെന്നാണ് അറിയിച്ചത്.'ഞാൻ ദുൽഖർ അഭിനയിച്ച ഓ.കെ. കൺമണി കണ്ടിട്ടുണ്ട്. ദുൽഖറിന്റെ അഭിനയം ഗംഭീരമായിരുന്നു. അദ്ദേഹം ക്യൂട്ടാണ് ഒപ്പം മികച്ച നടനുമാണ്, എനിക്ക് അദ്ദേഹത്തെ വളരെ ഇഷ്ടപ്പെട്ടു, ഞാൻ ദുൽഖറുമൊത്ത് അഭിനയിക്കാൻ കാത്തിരിക്കുകയാണ്'- സോനം കപൂർ പറഞ്ഞു. തെന്നിന്ത്യൻ നടന്മാരുമായി താൻ ഇതിനു മുൻപും അഭിനയിച്ചിട്ടുണ്ട്. റാഞ്ച്‌ന എന്ന ചിത്രത്തിലൂടെയാണ് ധനുഷ് ബോളിവുഡിൽ എത്തുന്നത്. അദ്ദേഹവുമൊത്ത് അഭിനയിച്ചത് നല്ല അനുഭവമായിരുന്നു. തെന്നിന്ത്യൻ നായകന്മാരുമായി നന്നായി തനിക്ക് വർക്ക് ചെയ്യാൻ സാധിക്കുമെന്നും സോനം പറഞ്ഞു. ദ സോയ ഫാക്ടർ എന്ന
ദുൽഖർ സൽമാൻ മലയാളത്തിനൊപ്പം ബോളിവുഡിലും ചുവടുറപ്പിക്കുകയാണ്. ബോളിവുഡിലെ അരങ്ങേറ്റ ചിത്രം കാർവാന്റെ റിലീസിനായി കാത്തിരിക്കെ നടന്റെ അടുത്തചിത്രവും പ്രഖ്യാപിച്ചിരുന്നു. ബോളിവുഡ് സുന്ദരി സോനം കപൂറിന്റെ ജോഡിയായിട്ടാണ് ദുൽഖർ 'ദ സോയ ഫാക്ടറി'ൽ എത്തുന്നത്. വിവാഹത്തിന് ശേഷം സോനം അഭിനയിക്കുന്ന ചിത്രങ്ങളിലൊന്നാണ് ദ സോയാ ഫാക്ടർ.
ഇപ്പോഴിതാ സോനം ദുൽഖറിനൊപ്പം അഭിനയിക്കാൻ കാത്തിരിക്കുകയാണെന്നാണ് അറിയിച്ചത്.'ഞാൻ ദുൽഖർ അഭിനയിച്ച ഓ.കെ. കൺമണി കണ്ടിട്ടുണ്ട്. ദുൽഖറിന്റെ അഭിനയം ഗംഭീരമായിരുന്നു. അദ്ദേഹം ക്യൂട്ടാണ് ഒപ്പം മികച്ച നടനുമാണ്, എനിക്ക് അദ്ദേഹത്തെ വളരെ ഇഷ്ടപ്പെട്ടു, ഞാൻ ദുൽഖറുമൊത്ത് അഭിനയിക്കാൻ കാത്തിരിക്കുകയാണ്'- സോനം കപൂർ പറഞ്ഞു.
തെന്നിന്ത്യൻ നടന്മാരുമായി താൻ ഇതിനു മുൻപും അഭിനയിച്ചിട്ടുണ്ട്. റാഞ്ച്‌ന എന്ന ചിത്രത്തിലൂടെയാണ് ധനുഷ് ബോളിവുഡിൽ എത്തുന്നത്. അദ്ദേഹവുമൊത്ത് അഭിനയിച്ചത് നല്ല അനുഭവമായിരുന്നു. തെന്നിന്ത്യൻ നായകന്മാരുമായി നന്നായി തനിക്ക് വർക്ക് ചെയ്യാൻ സാധിക്കുമെന്നും സോനം പറഞ്ഞു.
ദ സോയ ഫാക്ടർ എന്ന ചിത്രം അനുജ ചൗഹാന്റെ ഇതേപേരിലുള്ള നോവലിനെ ആസ്പദമാക്കിയുള്ളതാണ്. അഭിഷേക് ഷർമയാണ് ചിത്രം സംവിധാനം ചെയ്യുന്നത്. 1983-ൽ ഇന്ത്യ ക്രിക്കറ്റ് ലോകകപ്പ് നേടിയ കാലത്ത് ജനിച്ച സോയ സിങ് എന്ന പെൺകുട്ടിയുടെ കഥയാണിത്. സോയയുടെ ഭാഗ്യം കൊണ്ടാണ് ഇന്ത്യൻ ടീം ലോകപ്പ് നേടിയത് എന്നായിരുന്നു എല്ലാവരുടെും വിശ്വാസം. തുടർന്ന് 2010-ലും 'സോയ ഫാക്ടർ' കപ്പടിക്കാനായ് ഉപയോഗിക്കുന്നതാണ് നോവലിൽ പറഞ്ഞിരിക്കുന്നത്.
ദുൽഖറുമായി താൻ ഇതുവരെ തയ്യാറെടുപ്പുകളൊന്നും തുടങ്ങിയിട്ടില്ലെന്നും ചിത്രത്തിന്റെ ഷൂട്ടിങ് ഓഗസ്റ്റിലോ സെപ്റ്റംബറിലോ തുടങ്ങുമെന്നും സോനം കൂട്ടിച്ചേർത്തു.'വീരേ ദി വെഡ്ഡിങ്' ആണ് സോനത്തിന്റെ റിലീസിനൊരുങ്ങുന്ന ചിത്രം.
