ദുബായ്: കോഴിക്കോട് സാമൂതിരി ഗുരുവായൂരപ്പൻ കോളേജിൽ ദീർഘ കാലം സോഷ്യോളജി വിഭാഗം അദ്ധ്യാപകനായിരുന്ന പ്രൊഫസർ ഡി ദാമോദരൻ നമ്പൂതിരിയെ സമോറിൻസ് ഗുരുവായൂരപ്പൻ കോളേജ് അലുംനി ദുബായ് ചാപ്റ്റർ ആദരിച്ചു.

ഗുരുവായൂരപ്പൻ കോളേജിൽ നിന്നും വിരമിച്ച ശേഷം ഐഐഎം കോഴിക്കോടും കേരള സർക്കാരും സംയുക്തമായി നടത്തുന്ന CREST (സെന്റർ ഫോർ റിസർച്ച് ആൻഡ് എജ്യുക്കേഷൻ ഫോർ സോഷ്യൽ ട്രാൻസ്‌ഫോർമേഷൻ) ന്റെ എക്‌സിക്യൂട്ടീവ് ഡയറക്ടറായും പ്രൊഫ.നമ്പൂതിരി പ്രവർത്തിച്ചിരുന്നു.

ദുബായ് അക്കാഫ് അസ്സോസിയേഷൻ ഹാളിൽ നടന്ന ചടങ്ങ് അക്കാഫ് സെക്രട്ടറി ദീപു എ.സ് ഉത്ഘാടനം ചെയ്തു.അലുംനി രക്ഷാധികാരി മോഹൻ എസ് വെങ്കിട്ട് പൊന്നാട അണിയിച്ചു ,അലുംനി പ്രസിഡന്റ് യശ്പാൽ കൃഷ്ണൻ അധ്യക്ഷത വഹിച്ചു.മച്ചിങ്ങൽ രാധാകൃഷ്ണൻ, സലിം കെ.പി, ഷാജി ബി വടകര, രാജേഷ് മേനോൻ, അരുൺ പി.ടി എന്നിവർ ആശംസകൾനേർന്നു സംസാരിച്ചു.സെക്രെട്ടറി ജുമീഷ് മാധവൻ സ്വാഗതവും ട്രഷറർ വിജിത് നന്ദിയും പറഞ്ഞു.