ഏപ്രിൽ 12 നു ഷാർജ ബതായ സ്റ്റേഡിയത്തിൽ നടന്ന സിറ്റി എക്‌സ്‌ചേഞ്ച് ചലഞ്ചേഴ്സ് കപ്പ് ഫൈനലിൽ ദുബൈയിലെ ബ്ലേസിങ് ബുൾസ് ക്രിക്കറ്റ് ക്ലബ് ജേതാക്കൾ. ഫൈനലിൽ 135 റൺസ് നേടിയ ബാൻഡ് ഓഫ് ബ്രതെർസ് ക്ലബ്ബിനെ അവസാന ഓവറിൽ മൂന്ന് വിക്കറ്റ് ശേഷിക്കെ 139 റൺസ് നേടി മറികടന്നാണ് ബ്ലേസിങ് ബുൾസ് ടീം ഫൈനലിൽ വിജയിച്ചു കിരീടം നേടിയത്.

അവസാന ഓവർ വരെ ആവേശം നിറഞ്ഞ മത്സരത്തിൽ ഡെൻസൺ ജേക്കബ് അഹ്‌മദ് ഷെറീഫ് സഖ്യമാണ് ബ്ലേസിങ് ബുൾസ് ടീമിന് വിജയം നേടിക്കൊടുത്തത്. ടൂർണമെന്റിൽ ബ്ലേസിങ് ബുൾസിന് വേണ്ടി ബാറ്റിംഗിൽ നിയാസും ബൗളിങ്ങിൽ ഖൈസ് ബദറുദീനും മികച്ച പ്രകടനം കാഴ്ചവെച്ചു. ഫൈനലിൽ ബ്ലേസിങ് ബുൾസ് ടീമിന്റെ കാർത്തിക് ആണ് മാൻ ഓഫ് ദി മാച്ച് ആയത്. ബാൻഡ് ഓഫ് ബ്രതെർസിനു വേണ്ടി റാസിയും, സമി ബക്കറും ഭേദപ്പെട്ട പ്രകടനം കാഴചവെച്ചു.
സ്‌കോർ:
ബാൻഡ് ഓഫ് ബ്രതെർസ് 135/10 (20 ഓവേർസ്)
ബ്ലേസിങ് ബുൾസ് 139/7 (19.2 ഓവേർസ്)