ദുബായ്: പയ്യോളി മുൻസിപ്പാലിറ്റി ചെയർമാൻ വടക്കയിൽ ഷഫീഖിനു 'പെരുമ പയ്യോളി', യുഎഇ കമ്മിറ്റിയുടെനേതൃത്വത്തിൽ സ്വീകരണം നൽകി.പയ്യോളി മുൻസിപ്പാലിറ്റിയിലെ വികസന കാര്യങ്ങൾ മെമ്പർമാർ ചെയർമാന്റെ ശ്രദ്ധയിൽപ്പെടുത്തി.

ഈ കാര്യങ്ങളെല്ലാം സമയബന്ധിതമായി പരിഹരിച്ചു കൊണ്ടിരിക്കുകയാണെന്നും ചെയർമാൻ വ്യക്തമാക്കി.സാജിദ് പുറത്തൂട്ട് അധ്യക്ഷത വഹിച്ച ചടങ്ങിൽ ഇസ്മായിൽ മേലടി ആമുഖപ്രഭാഷണം നടത്തി.ബിജു പണ്ടാരപ്പറമ്പിൽ മൊമെന്റോ കൈമാറി.

അസീസ് സുൽത്താൻ മേലടി, എ കെ അബ്ദുറഹിമാൻ, ഷാജി ഇരിങ്ങൽ, കരീം വടക്കയിൽ, ഷാമിൽ മൊയ്തീൻ,സത്യൻ പള്ളിക്കര, ഷാജി പള്ളിക്കര എന്നിവർ സംസാരിച്ചു.സെക്രട്ടറി സുനിൽ പാറേമ്മൽ സ്വാഗതവും ട്രെഷറർ ഷമീർ കാട്ടടി നന്ദിയും പറഞ്ഞു.