ദുബൈ. ഇന്ത്യയിലെ പ്രമുഖ അവാർഡിങ് ഏജൻസിയായ യൂണിവേർസൽ റിക്കോർഡ് ഫോറത്തിന്റെ പ്രഥമ ഗ്‌ളോബൽ അവാർഡുകൾ ദുബൈ ഷെറാട്ടൺ ഹോട്ടലിൽ നടന്ന ചടങ്ങിൽ വിതരണം ചെയ്തു. നാട്ടിലും പ്രവാസ ലോകത്തും ശ്രദ്ധേയമായ പ്രവർത്തനങ്ങൾ കാഴ്ചവെച്ച ഇരുപത് പേർക്കാണ് അവാർഡുകൾ സമ്മാനിച്ചത്.
പ്രവാസ ലോകത്തെ സാമൂഹ്യ പ്രവർത്തരായ അഷ്‌റഫ് താമരശ്ശേരി, സിദ്ധീഖ് ഹസൻ പള്ളിക്കര, എൻ.ആർ.ഐ. കൗൺസിൽ ഓഫ് ഇന്ത്യ ചെയർമാൻ പ്രവാസി ബന്ധു ഡോ. എസ്. അഹ് മദ്, മാധ്യമ പ്രവർത്തകനായ നിസ്സാർ സെയ്ത്, എഴുത്തുകാരനും സാമൂഹ്യ പ്രവർത്തകനുമായ ഗോപാൽജി, ശാസ്ത്രജ്ഞയും സാമൂഹ്യ പ്രവർത്തകയുമായ ലീല മാററ്റ് , സെലിബ്രിറ്റി കോച്ചും സൈക്കോളജിസ്റ്റുമായ ഡോ.ലിസി ഷാജഹാൻ, സംരംഭകരും സാമൂഹ്യ പ്രവർത്തകരുമായ ജെബി കെ. ജോൺ, കെ.എസ്. വിനോദ്, മുഹമ്മദ് ഷഫീഖ് എന്നിവർ യൂണിവേർസൽ റിക്കോർഡ് ഫോറത്തിന്റെ ഹാൾ ഓഫ് ഫെയിം സമ്മാനിച്ചു.
പ്രമുഖ പ്രവാസി സംരംഭകരായ ഡോ. എംപി.ഷാഫി ഹാജി, ഡോ. പി.എ. ഷുക്കൂർ കിനാലൂർ എന്നിവർ ലൈഫ് ടൈം അച്ചീവ്‌മെന്റ് അവാർഡും അഷ്‌റഫ് അബ്ദുൽ അസീസ് , എൻ.കെ. രഹനീഷ് എന്നിവർ യഥാക്രമം ബെസ്റ്റ് എൻട്രപണർ അവാർഡ് , യംഗ് എൻട്രപ്രണർ അവാർഡ് എന്നിവ സ്വന്തമാക്കി.
ഗൾഫ് മേഖലിലെ പ്രമുഖ ലോജിസ്റ്റിക് സ്ഥാപനമായ ത്രീ ലൈൻ ഷിപ്പിംഗിനാണ് ബ്രാൻഡ് ഓഫ് ദ ഇയർ പുരസ്‌കാരം.
മികച്ച പ്രസാധകർക്കുള്ള പബ്‌ളിഷർ ഓഫ് ദ ഇയർ പുരസ്‌കാരം ലിപി പബ്‌ളിക്കേഷനും മികച്ച പ്രൊഫഷണൽ ബ്യൂട്ടി സെന്ററിനുള്ള പുരസ്‌കാരം ദോഹ ബ്യൂട്ടി സെന്ററും മികച്ച റേഡിയോ നെറ്റ് വർക്കിനുള്ള പുരസ്‌കാരം ഒലീവ് സുനോ റേഡിയോ നെറ്റ് വർക്കും സ്വന്തമാക്കി.
വിദ്യാർത്ഥിനിയായ ഗൗരി നന്ദ സാലുവിന് യംഗ് അച്ചീവർ ഓഫ് ദ ഇയർ അവാർഡും അദ്ധ്യാപികയും ഗ്രന്ഥകാരിയുമായ ജാസ്മിൻ സമീറിന് യംഗ് ഓഥർ അവാർഡും ലഭിച്ചു.
ദുബൈ ഷെറാട്ടൺ ഹോട്ടലിലെ നിറഞ്ഞ സദസ്സിൽ അൽ റഈസ് ഗ്രൂപ്പ് ചെയർമാൻ അഹ് മദ്് അൽ റഈസും യു.ആർഎഫ്. സിഇഒ. ഡോ. സൗദീപ് ചാറ്റർജിയും ചീഫ് എഡിറ്റർ ഡോ. സുനിൽ ജോസഫ്, ഡയറക്ടർ ഉദയ് ചാറ്റർജി എന്നിവർ ചേർന്നാണ് അവാർഡുകൾ സമ്മാനിച്ചത്.
