പ്രമുഖ വ്യവസായിയും ജോയ്ആലുക്കാസ് ഗ്രൂപ്പ് സ്ഥാപകനുമായ ജോയ് ആലുക്കാസിന്റെ ജീവിതം പറയുന്ന 'സ്‌പ്രെഡിങ് ജോയ്- ഹൗ ജോയ് ആലുക്കാസ് ബികേം ദി വേൾഡ്‌സ് ഫേവറിറ്റ് ജുവലർ' എന്ന ആത്മകഥ ഷാർജ അന്താരാഷ്ട്ര പുസ്തകമേളയിൽ പ്രകാശനം ചെയ്തു. പുസ്തകത്തിന്റെ ആദ്യ കോപ്പി ജോയ് ആലുക്കാസിൽ നിന്നും ആഗോള ബ്രാൻഡ് അംബാസഡറും ബോളിവുഡ് താരവുമായ കജോൾ സ്വീകരിച്ചു. ചടങ്ങിൽ ഷാർജ ബുക്ക് അതോരിറ്റി സിഇഒ അഹമ്മദ് ബിൻ റക്കാദ് അൽ അമേരി, ഹാപർ കോളിൻസ് സിഇഒ അനന്ത പത്മനാഭൻ, ജോളി ജോയ് ആലുക്കാസ്, വിവിധ ഉദ്യോഗസ്ഥർ, ബിസിനസ് രംഗത്തെ പ്രമുഖർ, മറ്റ് കുടുംബാംഗങ്ങൾ, തുടങ്ങിയവർ പങ്കെടുത്തു.
'എന്റെ ജീവിതയാത്ര എന്നത് പ്രതിബദ്ധത, കഠിനാധ്വാനം, അഭിനിവേശം, നിരന്തരമായ പരിശ്രമം എന്നീ മൂല്യങ്ങളുടെ ഉദാഹരണമാണ്. പ്രതികൂല സാഹചര്യങ്ങളിൽ തളർന്നു പോകാതെ,
മറ്റുള്ളവരെ അവരുടെ സ്വപ്നങ്ങളെ പിന്തുടരാൻ പ്രചോദിപ്പിക്കുന്നതിന് ഈ ശ്രമം സഹായകമാവുമെന്നാണ് പ്രതീക്ഷിക്കുന്നതെന്ന് ജോയ് ആലുക്കാസ് പറഞ്ഞു.
ജോയ് ആലുക്കാസിന്റെ സംഭവബഹുലമായ സംരഭകത്വ ജീവിതവും, നേതൃപാടവവും, ഒരു ബ്രാൻഡിനെ സഷ്ടിച്ച് ആഗോള പ്രശസ്തമാക്കിയ തുമുൾപ്പെടെ പ്രചോദനാത്മകമായ ജീവിതമാണ് ഈ രചനയിലൂടെ വായനക്കാരിലെത്തുന്നത്.
നിലവിൽ ഇന്ത്യ, യുഎഇ, ബഹ്‌റൈൻ എന്നിവിടങ്ങളിലെ എല്ലാ പ്രമുഖ ബുക്ക് സ്റ്റോറുകളിലും ഈ പുസ്തകം ലഭ്യമാണ്. കൂടാതെ, യുഎഇ, ഇന്ത്യ, സിംഗപ്പൂർ, യുകെ, യുഎസ്എ എന്നിവിടങ്ങളിൽ ഈ പുസ്തകം ഇ-കൊമേഴ്‌സ് പോർട്ടലുകളിൽ ലഭ്യമാവും. ഷാർജ പുസ്തകമേളയിലെ ജഷന്മാളിൽ പുസ്തകത്തിന്റെ ഇംഗ്ലീഷ് പതിപ്പും, ഡിസി ബുക്സിൽ നിന്ന് മലയാളം പതിപ്പും വാങ്ങാവുന്നതാണ്.
ബിസ്നസ് മേഖലയിൽ തന്റേതായ മുദ്ര പതിപ്പിച്ച ജോയ് ആലുക്കാസിന്റെ ജീവിതത്തെയും നേട്ടങ്ങളെയും കുറിച്ചുള്ള പുസ്തകം മികച്ച വായനാനുഭവമാണ് ഒരുക്കിയിട്ടുള്ളത്. സംരംഭകത്വ രംഗത്തേക്ക് കടന്നു വരാൻ ആഗ്രഹിക്കുന്നവർക്ക് തങ്ങളുടെ സ്വപ്നം യാഥാർത്ഥ്യമാക്കാൻ വലിയ പ്രചോദനം നൽകുന്ന ഉൾക്കാഴ്ചകളാണ് ഈ പുസ്തകത്തിലുടനീളം പ്രതിപാദിക്കുന്നത്.
