ആലിയഭട്ട് ചുംബിക്കാൻ ചെന്നപ്പോൾ ഫവാദ് ഖാൻ നിഷേധിച്ച കാര്യം ഏതാനും ദിവസങ്ങളായി സിനിമാലോകം ചർച്ച ചെയ്തിരുന്നു. ചിത്രത്തിൽ ചുംബനം അനിവാര്യമായിരുന്നു ചുംബനം സ്വീകരിക്കൻ ഈ പാക്കിസ്ഥാൻ താരം തയ്യാറായില്ല. തന്നെ സ്‌നേഹിക്കുന്ന ജനവിഭാഗത്തിന് അത് ഉൾക്കൊള്ളാൻ കഴിയില്ല എന്ന കാരണത്താലായിരുന്നു ഫവാദ് ഖാൻ ചുംബനം നിഷേധിച്ചത്. എന്നാൽ, ചുംബിക്കാൻ മടിച്ചു നിന്ന നടനെ പ്രോത്സാഹിപ്പിച്ച യുവനടിയുടെ കഥയാണ് കോളിവുഡിൽ നിന്നും പുറത്തുവന്നത്.

ഗൗതം മേനോൻ സംവിധാനം ചെയ്യുന്ന എന്നൈ നോക്കി പായും തോട്ട എന്ന ചിത്രത്തിന്റെ ലൊക്കേഷനിലാണു സംഭവം. ധനുഷും മേഘ്‌ന ആകാശുമാണു ചിത്രത്തിലെ കേന്ദ്ര കഥപാത്രങ്ങളെ അവതരിപ്പിക്കുന്നത്. ചിത്രത്തിൽ ലിപ്‌ലോക്ക് രംഗങ്ങൾ ഒന്നിലധികമുണ്ട്. എന്നാൽ നായികയെ ചുംബിക്കാൻ നായകൻ ധനുഷിന് ഒരു മടി. മടിച്ചു നിന്ന ധനുഷനോടു പുതുമുഖ നടി മേഘ്‌ന പറഞ്ഞു, സാരമില്ല സാർ അഭിനയമല്ലേ ചൂംബിച്ചോളു എന്ന്.

മേഘ്‌ന ആദ്യം അഭിനയിച്ചതു കാളിദാസിനൊപ്പം ഒരു പക്ക കഥൈ എന്ന ചിത്രത്തിലായിരുന്നു. എന്നാൽ സാങ്കേതികതടസം മൂലം ചിത്രം ഇതുവരെ റിലീസ് ചെയ്തിട്ടില്ല. ധനുഷ് മുമ്പും ലിപ് ലോക്ക് ചിത്രങ്ങളിൽ അഭിനയിച്ചിട്ടുണ്ട്. മാരിയാൻ എന്ന ചിത്രത്തിൽ പാർവതിക്കൊപ്പവും അനേകനിൽ അമൈറയ്‌ക്കൊപ്പം, തങ്കമകനിൽ എമിജക്‌സനൊപ്പം ലിപ് ലോക്ക് രംഗങ്ങളിൽ അഭിനയിച്ചിരുന്നു. എന്നൈ പായും തോട്ട എന്ന ഗൗതം ചിത്രം മാർച്ചിൽ റിലീസ് ചെയ്യുമെന്നാണു കണക്കാക്കുന്നത്. ചിത്രം റൊമാന്റിക്ക് ആക്ഷൻഗണത്തിലാണു പെടുന്നത്.