വിയന്ന: കൈരളി നികേതൻ വിയന്നയുടെ ആഭിമുഖ്യത്തിൽ ജൂൺ 1-ന് സംഘടിപ്പിക്കുന്ന മോളിവുഡ് ഗ്രൂപ്പ് ഡാൻസ് മത്സരങ്ങളിൽ യൂറോപ്പിലെ വിവിധ രാജ്യങ്ങളിൽ നിന്നുള്ള ടീമുകൾ പങ്കെടുക്കും. ഇതിനോടകം ജർമ്മനി, യു.കെ, സ്വിറ്റ്‌സർലൻഡ്, പോളണ്ട്, ഫ്രാൻസ്, മാൾട്ട, ഓസ്ട്രിയ തുടങ്ങിയ രാജ്യങ്ങളിലെ നിരവധി ടീമുകൾ രജിസ്റ്റർ ചെയ്തുകഴിഞ്ഞു. രജിസ്‌ട്രേഷന് ഇനി ഒരാഴ്ച കൂടി സമയം അനുവദിച്ചട്ടുണ്ട്.

യൂറോപ്പിലെ മലയാളികളുടെ ഇടയിൽ ഇത് ആദ്യമായിട്ടാണ് എല്ലാ പ്രായത്തിലുള്ളവർക്കുമായി ഒരു ഗ്രൂപ്പ് ഡാൻസ് മത്സരം സംഘടിപ്പിക്കുന്നത്. വിയന്നയിൽ സംഘടിപ്പിക്കുന്ന മത്സരം നാല് ഗ്രൂപ്പുകളിലായി നടക്കുന്നത്. സബ് ജൂനിയർ (5 വയസുമുതൽ 10 വയസ്), ജൂനിയർ (11 വയസുമുതൽ 16 വയസ്), സീനിയർ (17 വയസുമുതൽ 29 വയസ്), അഡൾട്ട് (30 വയസ് തുടങ്ങി മുകളിലോട്ടുള്ളവർ) എന്നി വിഭാഗങ്ങളിലായിരിക്കും നടക്കുന്നത്.

സബ് ജൂനിയർ വിഭാഗം ഒഴികെയുള്ള മറ്റു വിഭാഗത്തിൽ വിജയിക്കുന്നവർക്ക് ട്രോഫിയോടൊപ്പം ക്യാഷ് അവാർഡും ലഭിക്കുന്നതായിരിക്കും. ഒന്നാം സമ്മാനം 501 യൂറോയും, രണ്ടാം സമ്മാനം 301 യൂറോയും, മൂന്നാം സമ്മാനം 201 യൂറോയും ഒപ്പം ട്രോഫിയും മെഡലുകളും ജേതാക്കൾക്ക് ലഭിക്കും.

മത്സരാർത്ഥികൾ മലയാളികളോ, മലയാളി വംശജരോ, കൃത്യമായ മലയാളി ബന്ധമോ പശ്ചാത്തലമുള്ളവരോ ഉള്ളവർ ആയിരിക്കണം. പ്രധാനമായും യൂറോപ്യൻ രാജ്യങ്ങളിൽ നിന്നുള്ളവർക്കാണ് മുൻഗണനയെങ്കിലും, ഇന്ത്യ ഒഴികെ മറ്റു രാജ്യങ്ങളിൽ സ്ഥിരമായി താമസിക്കുന്നവർക്ക് മത്സരത്തിൽ പങ്കെടുക്കാം.

ഒരു ഗ്രൂപ്പിൽ 5-ൽ കുറയാതെയും 10-ൽ കൂടാതെയും അംഗങ്ങൾ ഉണ്ടായിരിക്കണം. ഗ്രൂപ്പുകളിൽ ലിംഗവേർതിരിവ് ഇല്ല. എന്നാൽ ഉയർന്ന എയ്ജ്ഗ്രൂപ്പിൽ നിന്നും താഴ്ന്ന ഏയ്ജ്ഗ്രൂപ്പിലേയ്ക്ക് ചേർന്ന് മത്സരിക്കാവുന്നതല്ല. അതേസമയം താഴ്ന്ന എയ്ജ് ഗ്രൂപ്പിൽ നിന്നും മാക്‌സിമം 50% പേർക്ക് ഉയർന്ന എയ്ജ് ഗ്രൂപ്പിൽ ചേർന്ന് മത്സരിക്കാവുന്നതാണ്.

കൂടുതൽ വിവരങ്ങൾക്ക് സംഘടനയുടെ ആർട്സ് ക്ലബ് കോർഡിനേറ്റർ ബിബിൻ കുടിയിരിക്കൽ (+43 699 19198679), ജോയിന്റ് സെക്രട്ടറി സെബാസ്റ്റ്യൻ കിണറ്റുകര (+41 76 364 55 68), ആർട്സ് ക്ലബ് സെക്രട്ടറിമാരായ ആഷ നിലവൂർ (+43 650 4002684), മജോൾ തോമസ് (+43 699 10059201) എന്നിവരെ സമീപിക്കാവുന്നതാണ്.

https://bit.ly/41HYLKn എന്ന ലിങ്കിലൂടെ മത്സരാർത്ഥികൾക്ക് പേരുകൾ രജിസ്റ്റർ ചെയ്യാവുന്നതാണ്.