ഇന്ന് അർദ്ധരാത്രി മുതൽ രണ്ട് ദിവസം നീളുന്ന പണിമുടക്ക് പ്രഖ്യാപിച്ച് പൈലറ്റുമാർ എത്തിയതോടെ മെച്ചപ്പെട്ട ഓഫർ മുന്നോട്ട് വക്കാനുള്ള ശ്രമതത്തിലാണ് ലുഫ്ത്താൻസ മാനേജ്‌മെന്റ്. പ്രധാന വിമാനത്താവളങ്ങളിലെ തടസ്സങ്ങൾ ഒഴിവാക്കാനുമുള്ള അവസാന ശ്രമമായി ആണ് പുതിയ ഓഫർ മുന്നോട്ട് വക്കുന്നത്.
ഈ ആഴ്ച വീണ്ടും പണിമുടക്കുമെന്ന് യൂണിയൻ അറിയിച്ചതിനെത്തുടർന്ന് ശമ്പള തർക്കം രൂക്ഷമാകുന്നത് തടയാൻ ചൊവ്വാഴ്ച പൈലറ്റുമാർക്ക് മെച്ചപ്പെട്ട ഓഫർ നൽകുമെന്നാണ് ജർമ്മൻ എയർലൈൻ ലുഫ്താൻസ അറിയിച്ചത്.കഴിഞ്ഞയാഴ്ച നടന്ന ഒരു പണിമുടക്കിനെത്തുടർന്ന് നൂറുകണക്കിന് വിമാനങ്ങൾ റദ്ദാക്കിയതോടെ നിരവധി യാത്രക്കാരാണ് ബുദ്ധിമുട്ടിലായത്.
ബുധൻ, വ്യാഴം ദിവസങ്ങളിൽ പാസഞ്ചർ പൈലറ്റുമാരും ബുധനാഴ്ച മുതൽ വെള്ളി വരെ കാർഗോ പൈലറ്റുമാരും പണിമുടക്കുമെന്നാണ് 50000 ത്തിലധികം പൈലറ്റുമാരെ ഗ്രൂപ്പുചെയ്യുന്ന യൂണിയൻ അറിയിച്ചത്.
പൈലറ്റുമാരുടെ സംഘടന 5.5 ശതമാനം വേതന വർദ്ധനവ്, പണപ്പെരുപ്പത്തിനുള്ള നഷ്ടപരിഹാരം, ശമ്പള ഗ്രിഡിന്റെ ക്രമീകരണം എന്നീ ആവശ്യങ്ങളാണ് മുന്നോട്ട് വക്കുന്നത്.യൂണിയൻ ആവശ്യപ്പെടുന്ന മുഴുവൻ പാക്കേജും പൈലറ്റ് ജീവനക്കാരുടെ ചെലവ് 40 ശതമാനം അല്ലെങ്കിൽ 900 ദശലക്ഷം യൂറോ വർദ്ധിപ്പിക്കുമെന്നാണ് ലുഫ്താൻസ മുമ്പ് അറിയിച്ചിരുന്നത്.
