വരും ആഴ്‌ച്ചകളിൽ ജർമ്മനിയിലെ പ്രധാന നഗരങ്ങളിലെ യാത്രക്കാർക്ക് ട്രെയിൻ യാത്രാ തടസ്സം ഉറപ്പ്; നോർത്ത് റൈൻ വെസ്റ്റ്ഫാലിയയിലെ നിർമ്മാണ പ്രവർത്തനങ്ങൾ മലം ഗതാഗതം തടസ്സപ്പെടും
ജർമ്മനിയിലെ ഏറ്റവും ജനസാന്ദ്രതയുള്ള സംസ്ഥാനത്ത് റെയിൽ യാത്രാ തടസ്സം വരും ആഴ്‌ച്ചകളിൽ ഉണ്ടാകുമെന്ന് മുന്നറിയിപ്പ്്. നിർമ്മാണ പ്രവർത്തനങ്ങളും ജീവനക്കാരുടെ അസുഖങ്ങളും മൂലം നോർത്ത് റൈൻ-വെസ്റ്റ്ഫാലിയയിലെ ട്രെയിൻ സർവ്വീസുകൾ താളം തെറ്റിയേക്കാം.
ഈ ആഴ്ച, ഡോർട്ട്മുണ്ടിനും ബോച്ചുമിനും ഇടയിലുള്ള 3.8 കിലോമീറ്റർ ട്രാക്ക് പുതുക്കും, നിർമ്മാണ പ്രവർത്തനങ്ങൾ തിങ്കളാഴ്ച 21 ന് രാത്രി 9 മണിക്ക് ആരംഭിച്ച് വ്യാഴാഴ്ച രാവിലെ 5 മണിക്ക് ആണ് അവസാനിക്കുക.
ഇതിനിടയിൽ, RE6, RE1, RE11 ലൈനുകളിലെ നാഷണൽ എക്സ്‌പ്രസ് (RRX) ട്രെയിനുകൾ ഡോർട്ട്മുണ്ടിൽ നിന്ന് വഴിതിരിച്ചുവിടേണ്ടിവരും, കൂടാതെ ബോച്ചം സെൻട്രൽ സ്റ്റേഷൻ, എസ്സെൻ സെൻട്രൽ സ്റ്റേഷൻ, മൾഹൈം സെൻട്രൽ സ്റ്റേഷൻ എന്നിവിടങ്ങളിലെ സ്റ്റോപ്പുകൾ റദ്ദാക്കപ്പെടും. ഗെൽസെൻകിർചെൻ, ഹെർനെ, എസ്സെൻ ആൾട്ടനെസെൻ, ഒബർഹൗസെൻ വഴി ഡോർട്ട്മുണ്ടിനും ഡ്യുയിസ്ബർഗിനുമിടയിൽ ട്രെയിനുകൾ തിരിച്ചുവിടും.
കൊളോൺ മെസ്സെ/ഡ്യൂറ്റ്‌സ് സ്റ്റേഷനിലെ ഒരു നവീകരണ പദ്ധതി നവംബർ 18 മുതൽ ഗ്രേറ്റർ കൊളോൺ ഏരിയയിലും നിരവധി റദ്ദാക്കലുകൾക്ക് കാരണമാകുന്നു, ഇത് ഡിസംബർ 12 വരെ തുടരും.ജീവനക്കാരുടെ കുറവ് എന്നിവയും NRW ൽ കാലതാമസത്തിനും സേവനങ്ങൾ കുറയ്ക്കുന്നതിനും കാരണമാകുന്നതായി അധികൃതർ അറിയിച്ചിട്ടുണ്ട്.
