തിരുവനന്തപുരം: 2017 ഡിസംബർ 23 ന് നടന്ന ആധാരമെഴുത്ത് ലൈസൻസിനുള്ള പരീക്ഷയിൽ പങ്കെടുത്തവർക്ക് ലഭിച്ച മാർക്ക് വിവരം രജിസ്ട്രേഷൻ വകുപ്പിന്റെ ഔദ്യോഗിക വെബ്സൈറ്റായ www.keralaregistration.gov.in ൽ പ്രസിദ്ധീകരിച്ചതായി ആധാരമെഴുത്ത് ലൈസൻസിങ് അഥോറിറ്റിയായ രജിസ്ട്രേഷൻ ഡെപ്യൂട്ടി ഇൻസ്പെക്ടർ ജനറൽ (ലൈസൻസിങ്) വി എം. ഉണ്ണി അറിയിച്ചു. പരീക്ഷാഫലം ജനുവരി 25 ന് വെബ്സൈറ്റിൽ പ്രസിദ്ധീകരിച്ചിരുന്നു. റീവാല്യുവേഷനുള്ള അപേക്ഷകൾ രജിസ്ട്രേഷൻ ഡി.ഐ.ജിക്ക്(ലൈസൻസിങ്) ഫെബ്രുവരി 24 വരെ സമർപ്പിക്കാം.