സിനിമയെ സ്‌നേഹിക്കുന്ന ഫേസ്‌ബുക്ക് സുഹൃത്തുക്കളുടെ ഒരു കൂട്ടായ്മ ഞായറാഴ്ച കൊച്ചിയിൽ നടന്നു. ആശയദാരിദ്ര്യം കൊണ്ട് പൊട്ടിപ്പൊളിയുന്ന സിനിമകൾക്ക് പകരം കുറെ നല്ല സിനിമകൾ ജനിക്കണം എന്ന ഉദ്ദേശ്യത്തോടെയാണ് കൊച്ചിയിൽ യോഗം ചേർന്നത്.

നല്ല തിരക്കഥ ഞങ്ങൾ തരാം!... വരു... എന്നതാണ് ഈ കൂട്ടായ്മ സ്വീകരിച്ചിരിക്കുന്ന മുദ്രാവാക്യം. സിനിമയെ സ്‌നേഹിക്കുന്ന വിവിധ ജില്ലകളിൽ നിന്നുള്ള നിരവധി ആളുകൾ ഈ കൂട്ടായ്മയിൽ പങ്കെടുത്തു. തിരക്കഥ രചനയ്ക്ക് പ്രത്യേക പരിശീലനം നൽകി ഗ്രൂപ്പിന്റെ പ്രവർത്തനം കൂടുതൽ വിശാലമാക്കാനും യോഗം തീരുമാനിച്ചിട്ടുണ്ട്.

ഒരാഴ്ചയായി ഈ വിഷയത്തിൽ സോഷ്യൽ മീഡിയായിലൂടെ ഫേസ്‌ബുക്ക് സുഹൃത്തുക്കൾ നടത്തിയ ആശയവിനിമയമാണ് ഇങ്ങനെ ഒരു യോഗം സംഘടിപ്പിക്കാൻ ഇടയാക്കിയത്. 'നല്ല സിനിമ നമുക്ക്' എന്ന സന്ദേശം സമാനചിന്താഗതിക്കാരായ ആളുകളിലേയ്ക്ക് വ്യാപിക്കാനും കൂടുതൽ പേരെ ഈ ഗ്രൂപ്പിൽ പങ്കാളികളാക്കാനും നല്ല സിനിമകളുടെ പ്രെമോഷൻ ഉൾപ്പെടെയുള്ള കാര്യങ്ങൾ ഏറ്റെടുക്കാനും ഈ യോഗത്തിൽ ധാരണയായി.

അർഹിക്കുന്ന കലാകാരന്മാർക്ക് അവസരം നേടിക്കൊടുക്കുക എന്ന ലക്ഷ്യത്തോടെ സിനിമ മേഖലയുമായി ബന്ധപ്പെട്ട് പ്രവർത്തിക്കാൻ ആഗ്രഹിക്കുന്ന കൂടുതൽ പേരെ ഉൾപ്പെടുത്തി ഉടൻ തന്നെ കൂട്ടായ്മയുടെ മറ്റൊരു യോഗം കൊച്ചിയിൽ നടത്താനും തീരുമാനിച്ചിട്ടുണ്ട്. ഈ ഗ്രൂപ്പുമായി സഹകരിച്ച് പ്രവർത്തിക്കുവാൻ താൽപ്പര്യമുള്ളവർ ഈ നമ്പരിൽ ബന്ധപ്പെടുക : മൊബൈൽ: 9496226485, 9446202867. EMAIL: mail2sonykjoseph@gmail.com