ഡബ്ലിൻ: മലങ്കര ഓർത്തഡോക്ൾസ് സഭയുടെ അയർലണ്ടിലെ ഡബ്ലിൻ സെന്റ് തോമസ് ഓർത്തഡോക്‌സ് പള്ളിയുടെ ആഭിമുഖ്യത്തിൽ ഫാമിലി കോൺഫറൻസ് നടത്തുന്നു. ഇന്നും നാളെയും കൗണ്ടി മീത്തിലുള്ള ഡാനോർ ന്യൂ ഗ്രാൻഡ് ലോഡ്ജിൽ ആണ് പരിപാടികൾ ക്രമീകരിച്ചിരിക്കുന്നത്.

ശനിയാഴ്ച രാവിലെ 10 മണിക്ക് പരിപാടികൾ ആരംഭിക്കും.  മലങ്കര സഭയുടെ യു.കെ യൂറോപ്പ് ആഫ്രിക്ക ഭദ്രാസനധിപൻ ഡോ. മാത്യൂസ് മാർ തീമോത്തിയോസ് മെത്രാപ്പൊലീത്ത ഫാമിലി കോൺഫറൻസ് ഉദ്ഘാടനം നടത്തുകയും അനുഗ്രഹ പ്രഭാഷണം നടത്തുകയും ചെയ്യും. ഇതിനു ശേഷം റെവ. ഫാ ജെയിംസൻ, റെവ. ഫാ. ടി.ജോർജ് എന്നിവരുടെ ക്ലാസ്സുകളും, ഫാ. നൈനാൻ കുര്യാക്കോസ് നടത്തുന്ന ആത്മീയ പ്രഭാഷണവും ഉണ്ടായിരിക്കും. ഞായറാഴ്‌ച്ച രാവിലെ  തിരുമേനി വി. കുർബാന അർപ്പിക്കുകയും തുടർന്ന് റെവ. ഫാ. എൽദൊ വർഗീസ് ക്ലാസ്സ് എടുക്കും. ഉച്ചയോടു കൂടി പരിപാടികൾ സമാപിക്കും.