ലിമറിക്ക്: സീറോ മലബാർ സഭ ലിമറിക്കിൽ, എല്ലാ വർഷവും നടത്തി വരാറുള്ള വലിയ ധ്യാനത്തിനുള്ള ഒരുക്കങ്ങൾ പൂർത്തിയായി. കഴിഞ്ഞ വര്ഷം ധ്യാനം നടത്തിയ ലിമറിക്ക് റേസ് കോഴ്‌സിൽ ഓഗസ്റ്റ് 19, 20, 21 ( വെള്ളി, ശനി, ഞായർ ) തീയതികളിലായിരിക്കും ഈ വർഷവും ധ്യാനം നടക്കുക. കരുണയുടെ വാതിൽ 2016 എന്നായിരിക്കും ഈ കുടുംബ നവീകരണ ധ്യാനം അറിയപ്പെടുക.യുകെയിലുള്ള സെഹിയോൻ മിനിസ്ട്രിയുടെ നേതൃത്വത്തിൽ റവ . ഫാ . സോജി ഓലിക്കലും ടീമംഗങ്ങളും ചേർന്നാണ് ഈ വര്ഷത്തെ ധ്യാനം നയിക്കുന്നത്. കൗൺസലിങ്ങും കുട്ടികൾക്കായുള്ള ധ്യാനവും സെഹിയോൻ യുകെയുടെ തന്നെ നേതൃത്വത്തിലാണ് നടത്തപ്പെടുന്നത്. ധ്യാന വിജയത്തിനായി എല്ലാ കുടുംബങ്ങളുടേയും പ്രാര്ത്ഥന സഹായം സീറോ മലബാർ സഭ ലിമറിക്കിന്‌ടെ പ്രീസ്റ്റ് ഇൻ ചാർജ് റവ.ഫാ.ജോസ് ഭരണികുളങ്ങര അഭ്യർത്ഥിച്ചു.

കൂടുതൽ വിവരങ്ങൾക്ക് കൈക്കാരന്മാരായ റോബിൻ ജോസഫ് - 0894485115 ( ജനറൽ കൺവീനർ ), പോമി മാത്യു -- 0879645463, എന്നിവരേയോ പ്രതിനിധി യോഗം സെക്രട്ടറി ജോബി മാനുവലിനേയോ - 0877906961 ബന്ധപ്പെടുക..