കർഷകർക്ക് ഐക്യദാർഢ്യവുമായി ഗാന്ധിസ്‌ക്വയറിൽ ധർണ്ണ

പാലാ: രാജ്യ തലസ്ഥാനത്ത് നടക്കുന്ന കർഷക സമരത്തിന് ഐക്യദാർഢ്യം പ്രകടിപ്പിച്ചുകൊണ്ട് മഹാത്മാഗാന്ധി നാഷണൽ ഫൗണ്ടേഷന്റെ ആഭിമുഖ്യത്തിൽ കൊച്ചിടപ്പാടിയിലെ ഗാന്ധി സ്‌ക്വയറിൽ ഐക്യദാർഢ്യ ധർണ്ണ നടത്തി. ഫൗണ്ടേഷൻ ചെയർമാൻ എബി ജെ ജോസ് ഉദ്ഘാടനം ചെയ്തു.

കർഷകരുടെ സമരം നിലനിൽപ്പിനുവേണ്ടിയുള്ളതാണെന്നും രാജ്യം ഒറ്റക്കെട്ടായി കർഷകർക്കായി നിലകൊള്ളണമെന്നും അദ്ദേഹം ആവശ്യപ്പെട്ടു. കർഷകരുടെ ആശങ്കകൾ കാണാതെ മുന്നോട്ടു പോകാൻ ഭരണാധികാരികൾക്കു കഴിയില്ല. കോർപ്പറേറ്റുകൾക്കായി കർഷകരെ ബലി കൊടുക്കരുതെന്നും ഫൗണ്ടേഷൻ നിർദ്ദേശിച്ചു. മുനിസിപ്പൽ മുൻ കൗൺസിലർ ടോണിതോട്ടം, ജോസ് മുകാല, ജോസഫ് കുര്യൻ, കാതറീൻ റെബേക്ക തുടങ്ങിയവരും പങ്കെടുത്തു.