വോയിസ് ഓഫ് പീസ് മിനിസ്റ്റിറിയുടെ ആഭിമുഖ്യത്തിൽ എല്ലാ ആദ്യ ശനിയാഴ്ചകളിലും നട ത്തിവരാറുള്ള ഉപവാസ പ്രാർത്ഥനയിൽ വചന പ്രഘോഷണവും രോഗശാന്തി ശുശ്രൂഷയും,ശനിയാഴ്‌ച്ച നടക്കും.

നാളെ രാവിലെ 10.30 മുതൽ വൈകീട്ട് 4.30 വരെ പോർട്ട്‌ലീഷിനടുത്ത് ഹീത്തിലുള്ള അസംപ്ഷൻ ദേവാലയത്തിൽ ആണ് പ്രാർത്ഥന നടക്കുക. ശുശ്രൂഷകൾക്ക് റവ. ഫാ. ജോർജ്ജ് ഓഎസ്ബി, റവ. ഫാ. ജെയ്‌സൺ നേതൃത്വം നൽകുന്നതാണ്.

നമ്മുടെ കുടുംബങ്ങൾ പ്രാർത്ഥനയിൽ വളരുന്നതിനും അനുഗ്രഹം പ്രാപിക്കുന്നതിനും അയർലന്റിലെ എല്ലാ വിശ്വാസികളേയും പ്രായഭേദമന്യേ സ്വാഗതം ചെയ്യുന്നതായി ഭാരവാഹികൾ അറിയിച്ചു. ഇതേ ദിവസം ഉപവാസ പ്രാർത്ഥനക്കായി എത്തുന്ന എല്ലാ കുട്ടികൾക്ക് പ്രത്യേക ധ്യാനവും, ആവശ്യമുള്ളവർക്ക് കൗൺസിലിങ്ങിനും കുമ്പസാര ത്തിനും സൗകര്യവും ഒരുക്കിയിരിക്കുന്നു.