കോർക്ക്: കോർക്കിലെ ബിഷപ്സ് ടൗണിലെ അപ്പാചി പിസാ ഉടമ ബിജു മാത്യൂവിന്റെ പിതാവ് അന്തരിച്ചു. പിറവം രാമമംഗലം കോൺഗ്രസ് മണ്ഡലം സെക്രട്ടറി ആയിരുന്ന കോരങ്കടവ് കുഴിപ്ലാക്കൽ കെ സി മത്തായി (70) ആണ് മരിച്ചത്.കഴിഞ്ഞ മാസം 28 ന് കിഴുമുറി ദേവാലയത്തിലെ കുർബാനയ്ക്ക് ശേഷം ഇദ്ദേഹം ഭാര്യയുമൊന്നിച്ച് വീട്ടിലേയ്ക്ക് വരുമ്പോൾ രാമമംഗലം പഞ്ചായത്ത് കവലയിൽ വച്ച് ഓട്ടോറിക്ഷാ ഇദ്ദേഹം സഞ്ചരിച്ചിരുന്ന ബൈക്കിൽ ഇടിക്കുകയായിരുന്നു.

റോഡിൽ തെറിച്ച് വീണ് പരിക്കേറ്റ ഇരുവരേയും കോലഞ്ചേരി മെഡിക്കൽ കോളേജ് ആശുപത്രിയിൽ പ്രവേശിപ്പിച്ചിരുന്നു.തോളെല്ലിന് പരിക്കേറ്റ ബിജുവിന്റെ മാതാവ് കഴിഞ്ഞ ദിവസം ആണ് ആശുപത്രിയിൽ നിന്ന് ഡിസ്ചാർജ്ജ് ആയത്. സംസ്‌കാരം നാളെ 2 മണിക്ക് കിഴുമുറി സെന്റ് ജോർജ്ജ് ഓർത്തഡോക്സ് ദേവാലയത്തിൽ നടക്കും.