കോവിഡ് 19 മൂലം നിങ്ങളുടെ വിമാന യാത്ര മാറ്റിവെക്കപ്പെടുകയോ കാൻസൽ ചെയ്യുകയോ ചെയ്തിട്ടുണ്ടോ? റീഫണ്ട് നൽകുമെന്ന് എയർ കാനഡ

കോവിഡ് 19 മൂലം വിമാന യാത്ര മാറ്റിവെക്കപ്പെടുകയോ കാൻസൽ ചെയ്യുകയോ ചെയ്തിട്ടുണ്ടെങ്കിൽ അവർക്കെല്ലാം റീഫണ്ട് നൽകുമെന്ന് എയർ കാനഡ. യുനിഫോർ പ്രസിഡന്റ് ജെറി ഡയാസ് ആണ് ഇക്കാര്യം വ്യക്തമാക്കിയത്. ഒരു മാധ്യമത്തിന് നൽകിയ അഭിമുഖത്തിലാണ് ഡയാസ് ഇക്കാര്യം പറഞ്ഞത്.

എയർ കാനഡയും സർക്കാർ ഉദ്യോഗസ്ഥരും ഉൾപ്പെട്ട ചർച്ചയിലാണ് വിമാന ടിക്കറ്റിനായി ചെലവഴിച്ച പണം ഉപയോക്താക്കൾക്ക് തിരികെ നൽകാമെന്ന നിർണായക ആവശ്യത്തിന് കമ്പനി സമ്മതിച്ചത്.

എങ്കിലും എയർ കാനഡയുമായോ സർക്കാരുമായോ ബന്ധപ്പെട്ട് ഈ ക്ലെയിം സ്ഥിരീകരിക്കാൻ മാധ്യമത്തിന് കഴിഞ്ഞിട്ടില്ലെന്നും വ്യക്തമാക്കുന്നു. ഇതു സംബന്ധിച്ചുള്ള ചർച്ചകൾ തുടരുന്നതിനാൽ അഭിപ്രായം പറയാൻ ഇരുവരും വിസമ്മതിച്ചതായാണ് റിപ്പോർട്ട്.