മെൽബൺ മൂടൽമഞ്ഞിന്റെ പിടിയിലായതോടെ എങ്ങും യാത്രതടസം. ഇന്ന് രാവിലെ മുതൽ മെൽബൺ വിമാനത്താവളം അടക്കമുള്ള മിക്ക പ്രദേശങ്ങളിലും കനത്ത മൂടൽ മഞ്ഞ് എത്തിയതോടെ വിമാനസർവ്വീസുകൾ അടക്കമുള്ള ഗതാഗത സർവ്വീസുകൾ താളം തെറ്റിയിരിക്കുകയാണ്.

ആയിരക്കണക്കിന് യാത്രക്കാരാണ് മഞ്ഞ് മൂലം യാത്രതടസ്സം നേരിടുന്നത്. പതിനെട്ടോളം വിമാനങ്ങൾ രാവിലെ റദ്ദാക്കിയിട്ടുണ്ട്. 50 മീറ്റർ താഴെമാത്രമാണ് രാവിലെ മഞ്ഞിൽ കാഴ്‌ച്ച ലഭിച്ചിരുന്നത്. ഡൊമസ്റ്റിക് വിമാനങ്ങൾ ക്വാന്റാസിന്റെ എട്ടും, ആറ് വിർജിൻ, രണ്ട് ജെറ്റ്സ്റ്റാർ, ടൈഗർ എന്നിവയും സർവ്വീസ് നിർത്തിവച്ചു.

പല ഡൊമസ്റ്റിക് യാത്രക്കാരും വിമാനത്താവളങ്ങളിൽ യാത്രക്കായി വെയ്റ്റ് ചെയ്യുകയാണ് .യാത്രക്കൊരുങ്ങുന്നവർ വിമാനങ്ങളുടെ സമയം ഉറപ്പാക്കി ശേഷം യാത്ര തുടങ്ങണമെന്ന് അറിയിപ്പുണ്ട്.