ന്യൂയോർക്ക് റീജിയണിൽ ഫൊക്കാന കൺവെൻഷൻ 14 ന് നടക്കും. ശനിയാഴ്ച രാവിലെ 11 മണി മുതൽ വൈകീട്ട് 8 മണിവരെ ന്യൂയോർക്ക് വച്ച് (26 നോർത്ത് ട്രൈസൺ അവന്യൂ ഫ്‌ളോറൽ പാർക്ക്, ന്യൂയോർക്ക്) നടക്കുന്ന കൺവൻഷനിൽ മുഖ്യ അതഥിയായി രാജൂ ഏബ്രാഹം എം എൽ എ പങ്കെടുക്കും .കഴിഞ്ഞ 19 വർഷമായി റാന്നി നിയോജക മണ്ഡലത്തെ പ്രതിനിധീകരി ക്കുന്ന കേരള നിയമസഭാ സാമാജികനാണ് രാജൂ ഏബ്രാഹം. ഫൊക്കാനയുടെ അടുത്ത സുഹുർത്തും വഴികാട്ടിയും ആണ് അദ്ദേഹം.

കുട്ടികളുടെ വിവിധ പ്രായത്തിലുള്ള കല മത്സരങ്ങൾ ആണ് ഫൊക്കാന റീജിയണൽ കിക്ക് ഓഫിനോടൊപ്പം ചിട്ടപ്പെടുത്തിയിട്ടുള്ളത്. സോളോ സോങ്ങ്, സിംഗിൾ ഡാൻസ്, എലോകേഷൻ തുടങ്ങി നിരവധി മത്സരങ്ങൾ ഉൾപ്പെടുത്തിയാണ് റീജിയണൽ കൺവൻഷൻ സംഘടിപ്പിച്ചിരിക്കുന്നത്. ഇതു പ്രായത്തിന്റെ അടിസ്ഥാനത്തിൽ മൂന്നു കാറ്റഗറി ആയിട്ടാണ് മത്സരങ്ങൾ നടത്തുന്നത്. ഇത് ചിട്ടപെടുത്തിയ സമയത്തിന് തന്ന് നടത്തുമെന്ന് സംഘാടകർ അറിയിച്ചു

അമേരിക്കൻ മലയാളികളുടെ അഭിരുചിക്കനുസരിച്ച് മനസിലാക്കി സമൂഹത്തിലെ വിവിധ വിഭാഗങ്ങളെ സംഘടിപ്പിച്ച് പ്രവർത്തിക്കാൻ സാധിച്ചതാണ് ഫൊക്കാനയെ ജനകീയമാക്കിയത്. കുട്ടികൾ, ചെറുപ്പക്കാർ, വനിതകൾ, അങ്ങനെ ആബാലവയോധികം ജനങ്ങളെയും നമ്മൾ ഫൊക്കാനയ്‌ക്കൊപ്പം കൂട്ടി. അവർക്ക് അവസരങ്ങൾ നൽകി അവരെ വളർത്തിയെടുക്കുവാൻ ശ്രമിക്കുകയും, താരങ്ങളാകുകയും ചെയ്യുന്നു. അവിടെയാണ് ഫൊക്കാന എന്ന പ്ലാറ്റ്‌ഫോമിന്റെ പ്രസക്തി. വളർന്നു വരുന്ന നമ്മുടെ കുട്ടികൾക്ക് അവസരങ്ങൾ നൽകുക എന്നതാണ് ഫൊക്കാന റീജിയണൽ കലാമത്സരങ്ങളിലൂടെ ഉദ്ദേശം.

ഫൊക്കാന ദേശീയ നേതാക്കളും സാമൂഹ്യ സാംസ്കാരിക രംഗങ്ങളിലെ പ്രമുഖരും കൺവൻഷനിൽ പങ്കെടുക്കും. വിവിധ കലാപരിപാടികളും ഉണ്ടായിരിക്കുന്നതാണ്. എല്ലാവരേയും ഈ സമ്മേളനത്തിലേക്ക് ഹാർദ്ദവമായി സ്വാഗതം ചെയ്യുന്നതായി വൈസ് പ്രസിഡന്റ് ജോസ് കാനാട്, സെക്രട്ടറി അലക്‌സ് തോമസ് എന്നിവർ അറിയിച്ചു.