പനാജി: മുൻ ഇന്ത്യൻ ഫുട്ബോൾ താരവും ഏഷ്യാഡ് സ്വർണ മെഡൽ ജേതാവുമായ ഫോർച്യുനാറ്റോ ഫ്രാങ്കോ അന്തരിച്ചു. 84 വയസായിരുന്നു. 1960-കളിൽ ഇന്ത്യയയുടെ ഏറ്റവും മികച്ച മിഡ്ഫീൽഡർമാരിൽ ഒരാളായിരുന്നു അദ്ദേഹം. 1960-ലെ റോം ഒളിമ്പിക്സിൽ പങ്കെടുത്ത ഇന്ത്യൻ ടീമിൽ അംഗമായിരുന്നു.

ഓൾ ഇന്ത്യ ഫുട്ബോൾ ഫെഡറേനാണ് അദ്ദേഹത്തിന്റെ മരണ വാർത്ത അറിയിച്ചത്. മരണ കാരണം വ്യക്തമായിട്ടില്ല.

കാൽമുട്ടിനേറ്റ പരിക്കിനെ തുടർന്ന് ഫ്രാങ്കോയ്ക്ക് തന്റെ 30-ാം വയസിൽ തന്നെ ബൂട്ടഴിക്കേണ്ടി വന്നു.

1962 ജക്കാർത്ത ഏഷ്യൻ ഗെയിംസിൽ സ്വർണ മെഡൽ നേടിയ ഇന്ത്യൻ ഫുട്ബോൾ ടീമിലെ അവിഭാജ്യ ഘടകമായിരുന്നു ഫ്രാങ്കോ എന്ന മിഡ്ഫീൽഡർ.

ഇന്ത്യയ്ക്കായി 26 മത്സരങ്ങളിൽ കളിച്ച ഫ്രാങ്കോ 1962-ൽ ഏഷ്യൻ കപ്പിൽ റണ്ണറപ്പായ ടീമിലും മെർദേക്ക കപ്പിൽ 1964-ൽ വെള്ളിയും 1965-ൽ വെങ്കലവും നേടിയ ടീമിലും അംഗമായിരുന്നു.

1959-നും 1966-നും ഇടയിൽ സന്തോഷ് ട്രോഫിയിൽ തുടർച്ചയായി എട്ടു വർഷം മഹാരാഷ്ട്രയെ നയിച്ചത് ഫ്രാങ്കോയായിരുന്നു. 1964-ൽ കിരീടവും സ്വന്തമാക്കി.

ഇന്ത്യൻ ഫുട്ബോളിലെ ഇതിഹാസങ്ങളായ പി.കെ ബാനർജി, ചുനി ഗോസ്വാമി, തുളസിദാസ് ബലറാം, ജർനെയ്ൽ സിങ് എന്നിവർക്കൊപ്പം ടീമിലെ പ്രധാനിയായിരുന്നു ഫ്രാങ്കോ.

ആഭ്യന്തര തലത്തിൽ മുംബൈയിലെ ടാറ്റ ഫുട്ബോൾ ക്ലബിനായും കരിയറിന്റെ അവസാന കാലത്ത് സാൽഗോക്കറിനായും കളിച്ചിരുന്നു.

ഫോർച്യുനാറ്റോ ഫ്രാങ്കോ അന്തരിച്ചുമുൻ ഇന്ത്യൻ ഫുട്ബോൾ താരം

ന്യൂസ് ഡെസ്‌ക്‌

    ന്യൂസ് ഡെസ്‌ക്‌