ന്യൂഡൽഹി: ഫാ. ജാസ് എലഞ്ഞിക്കലിനെ ഡൽഹി അതിരുപതയുടെ എപ്പിസ്‌കോപ്പൽ വികാരിയായി നിയമിച്ചു. ഇതു സംബന്ധിച്ച പ്രഖ്യാപനം അർച്ച് ബിഷപ് അനിൽ കുട്ടോ നടത്തി.

കഴിഞ്ഞ ഏഴു വർഷമായി ഹരിയാനയിലെ രോഹ്താക് ജില്ലയിലെ സെന്റ് മേരീസ് സീനിയർ സ്‌കൂൾ പ്രിൻസിപ്പലും സെന്റ് ഫ്രാൻസിസ് സേവ്യർ പള്ളി വികാരി യായും സേവനം ചെയ്തു വരികയായിരുന്നു ഫാ. ജാസ്.

തൃശൂർ കാര ഇലഞ്ഞിക്കൽ പരേതരായ തോമസിന്റെയും രാജമ്മയുടേയും നാലാമത്ത് പുത്രനായാണ് ജനനം. തുടർന്നു 1988ൽ എറണാകുളം സെന്റ് ജോസഫ് സെമിനാരിയിൽ വൈദിക പഠനത്തിനുചേർന്നു. 1992 ൽ ഡൽഹി അതിരൂപതയിലെ വിവിധ സ്ഥലങ്ങളിൽ വികാരിയായി സേവനം ചെയ്തുവരികെയാണു പുതിയ സ്ഥാനലബ്ധി.

റിപ്പോർട്ട്: റെജി നെല്ലിക്കുന്നേൽ