ഹൂസ്റ്റൺ: ഹ്യൂസ്റ്റണിൽ വർഷം തോറും നടത്തി വരുന്ന ഫ്രീ ഹെൽത്ത് ഫെയർ ഏഴാം വർഷമായ ഇത്തവണയും സെപ്റ്റംബർ 16 ന് നടത്തുന്നു. രാവിലെ 8 മണി മുതൽ 12 മണി വരെ, ഡോ. ലക്ഷ്മി നായരുടെ സായി പ്രൈമറി കെയർ /ന്യൂ ലൈഫ് പ്ലാസ (3945, CR 58, മാൻവെൽ, ടെക്‌സാസ്-77578) യിൽ വെച്ച്, പ്രമുഖ ആശുപത്രികളുടെയും ഫർമാസികളുടെയും മറ്റു് ഏതാനും മുഖ്യ പ്രസ്ഥാനങ്ങളുടെയും സഹകരണത്തോടെയാണ് നടത്തുന്നത്.

മെഡിക്കൽ പരിശോധനയിൽ, ഇ കെ ജി, അൾട്രാസൗണ്ട്, മാമ്മോഗ്രാം,കേഴ്‌വി, കാഴ്ച തുടങ്ങിയ 20 ലേറെ ഇനങ്ങൾ ഉണ്ടായിരിക്കുന്നതാണ്. ആദ്യമെത്തുന്ന 100 പേർക്ക് സൗജന്യ ഫ്‌ലൂ ഷോട്ട് നൽകും. കൂടുതൽ വിവരങ്ങൾക്ക് 281 402 6585 എന്ന നമ്പറിൽ ബന്ധപ്പെടുക.