ഒലവക്കോട് : തിന്മക്കെത്തിരെയുള്ള പെൺ ശബ്ദങ്ങൾ കാലഘട്ടത്തിന്റെ ആവശ്യമാ നെന്ന് ജി.ഐ.ഒ ഏരിയ സമ്മേളനം. 'വിശ്വാസം ; പ്രതിരോധവും പ്രതീക്ഷയും' തലക്കെട്ടിൽ പാലക്കാട് ഇസ്ലാമിയ കോളജിൽ വെച്ച് നടന്ന ജി.ഐ.ഒ ഒലവക്കോട് ഏരിയ സമ്മേളനം ജി.ഐ. ഒ. സംസ്ഥാന സമിതിയംഗം നാസിറ തയ്യിൽ ഉദ്ഘാടനം ചെയ്തു. ജമാഅത്തെ ഇസ്ലാമി വനിതാ വിഭാഗം സംസ്ഥാന സമിതിയംഗം സഫിയ ഷറഫിയ്യ മുഖ്യ പ്രഭാഷണം നിർവ്വഹിച്ചു.

ജമാഅത്തെ ഇസ്ലാമി ഏരിയ പ്രസിഡന്റ് പി. എച്ച്.മുഹമ്മദ് അധ്യക്ഷത വഹിച്ചു. ജി. ഐ. ഒ. മുൻ സംസ്ഥാന സമിതിയംഗം രഹ് ന സത്താർ, ജില്ലാ പ്രസിഡന്റ് സുഹ് ദ പർവീൻ, ജമാഅത്തെ ഇസ്ലാമി വനിതാ വിഭാഗം ഏരിയ കൺവീനർ നഫീസ സലാം, സോളിഡാരിറ്റി ഏരിയ സെക്രട്ടറി നസീഫ് മേപ്പറമ്പ്, സാജിദ്, എസ്.ഐ.ഒ ഏരിയ പ്രസിഡന്റ് ഷഫീഖ് അജ്മൽ, ജമാഅത്തെ ഇസ്ലാമി വനിതാ വിഭാഗം സമിതിയംഗം സഈദ ടീച്ചർ, ജി.ഐ.ഒ ഏരിയ പ്രസിഡന്റ് സി.എം. റഫീഅ, പി. ജസ്‌ന ബംഗ്ലാപറമ്പ്, നസീല, ഹംന മേപ്പറമ്പ്, പി. ആദില, അൻസിയ എന്നിവർ സംസാരിച്ചു.