സുന്ദരിയായ ഭാര്യയും കൈനിറയെ പണവും ലോകത്തെ ഏറ്റവും വലിയ അധികാരവും കൈയിലുണ്ടെങ്കിലും ട്രംപിന് പെണ്ണിനെ കാണുമ്പോൾ ഇപ്പോഴും കൺട്രോൾ പോകും; കേസ് ഒഴിവാക്കാൻ നൂറിലധികം സ്ത്രീകൾക്ക് നഷ്ടപരിഹാരം നൽകിയ ട്രംപിന് ഇപ്പോഴുമുണ്ട് ഗേൾ ഫ്രണ്ട്‌സ്
അമേരിക്കൻ പ്രസിഡന്റ് ഡൊണാൾഡ് ട്രംപിന്റെ സ്വകാര്യജീവിതത്തിലേക്കും വൈറ്റ്ഹൗസിന്റെ അധികാര ഇടനാഴികളിലേക്കും വെളിച്ചം വീശുന്ന കൃതിയായിരുന്നു മൈക്കൽ വൂൾഫിന്റെ ഫയർ ആൻഡ് ഫ്യൂറി. അമേരിക്കൻ പ്രസിഡന്റിനെ സംബന്ധിച്ച ഒട്ടേറെ രഹസ്യങ്ങൾ പുറത്തുവിട്ട ഫയർ ആൻഡ് ഫ്യൂറി കർത്താവ്, വീണ്ടുമൊരു ആരോപണം ഉന്നയിച്ചിരിക്കുകയാണ്. ബിൽ മാഹറുമായുള്ള അഭിമുഖത്തിനിടെ അദ്ദേഹം പറഞ്ഞത്, ട്രംപിനിപ്പോഴും ഒരു കാമുകിയുണ്ടെന്നാണ്. ട്രംപിന്റെ സ്ത്രീവിഷയത്തിലുള്ള താത്പര്യം രഹസ്യമൊന്നുമല്ല. അമേരിക്കൻ പ്രസിഡന്റ് തിരഞ്ഞെടുപ്പിനെ റഷ്യ സ്വാധീനിച്ചുവെന്ന് ആരോപണം കഴിഞ്ഞവർഷം അദ്ദേഹം അധികാരത്തിലേറിയ ഘട്ടത്തിൽത്തന്നെ ഉയർന്നിരുന്നു. മോസ്‌കോയിലെ പഞ്ചനക്ഷത്ര ഹോട്ടലുകളിൽ ട്രംപും സുന്ദരികളുമായുള്ള ദൃശ്യങ്ങൾ റഷ്യൻ രഹസ്യാന്വേഷണ ഏജൻസിയുടെ പക്കലുണ്ടെന്നും അതുപയോഗിച്ച് റഷ്യ ട്രംപിനെ ബ്ലാക്ക് മെയിൽ ചെയ്യാറുണ്ടെന്നും ആരോപണമുയർന്നിരുന്നു. പുസ്തകത്തിൽ എന്തെങ്കിലും ഒരു കാര്യം വിട്ടുപോയിട്ടുണ്ടോ എന്ന മാഹറുടെ ചോദ്യത്തിന് മറുപടിയായാണ് വൂൾഫ് പുതിയ രഹസ്യം പുറത്ത
അമേരിക്കൻ പ്രസിഡന്റ് ഡൊണാൾഡ് ട്രംപിന്റെ സ്വകാര്യജീവിതത്തിലേക്കും വൈറ്റ്ഹൗസിന്റെ അധികാര ഇടനാഴികളിലേക്കും വെളിച്ചം വീശുന്ന കൃതിയായിരുന്നു മൈക്കൽ വൂൾഫിന്റെ ഫയർ ആൻഡ് ഫ്യൂറി. അമേരിക്കൻ പ്രസിഡന്റിനെ സംബന്ധിച്ച ഒട്ടേറെ രഹസ്യങ്ങൾ പുറത്തുവിട്ട ഫയർ ആൻഡ് ഫ്യൂറി കർത്താവ്, വീണ്ടുമൊരു ആരോപണം ഉന്നയിച്ചിരിക്കുകയാണ്. ബിൽ മാഹറുമായുള്ള അഭിമുഖത്തിനിടെ അദ്ദേഹം പറഞ്ഞത്, ട്രംപിനിപ്പോഴും ഒരു കാമുകിയുണ്ടെന്നാണ്.
ട്രംപിന്റെ സ്ത്രീവിഷയത്തിലുള്ള താത്പര്യം രഹസ്യമൊന്നുമല്ല. അമേരിക്കൻ പ്രസിഡന്റ് തിരഞ്ഞെടുപ്പിനെ റഷ്യ സ്വാധീനിച്ചുവെന്ന് ആരോപണം കഴിഞ്ഞവർഷം അദ്ദേഹം അധികാരത്തിലേറിയ ഘട്ടത്തിൽത്തന്നെ ഉയർന്നിരുന്നു. മോസ്‌കോയിലെ പഞ്ചനക്ഷത്ര ഹോട്ടലുകളിൽ ട്രംപും സുന്ദരികളുമായുള്ള ദൃശ്യങ്ങൾ റഷ്യൻ രഹസ്യാന്വേഷണ ഏജൻസിയുടെ പക്കലുണ്ടെന്നും അതുപയോഗിച്ച് റഷ്യ ട്രംപിനെ ബ്ലാക്ക് മെയിൽ ചെയ്യാറുണ്ടെന്നും ആരോപണമുയർന്നിരുന്നു.
പുസ്തകത്തിൽ എന്തെങ്കിലും ഒരു കാര്യം വിട്ടുപോയിട്ടുണ്ടോ എന്ന മാഹറുടെ ചോദ്യത്തിന് മറുപടിയായാണ് വൂൾഫ് പുതിയ രഹസ്യം പുറത്തുവിട്ടത്. പുസ്തകത്തിൽ നൽകിയ കാര്യങ്ങൾക്കെല്ലാം തന്റെ പക്കൽ തെളിവുകളുണ്ടെന്നും പൂർണമായ തെളിവുകളില്ലാത്ത ചിലത് ഉപേക്ഷിച്ചിട്ടുണ്ടെന്നും അദ്ദേഹം പറഞ്ഞു. തുടർന്നുള്ള ചോദ്യങ്ങൾക്കുള്ള മറുപടിയായാണ് ട്രംപിന് ഒരു സ്ത്രീയുമായി ഇപ്പോഴും ബന്ധമുണ്ടെന്നും ബാക്കിയെല്ലാം വരികൾക്കിടയിൽ വായിക്കാമെന്നും വൂൾഫ് മറുപടി നൽകിയത്.
ട്രംപിന്റെ ഭാര്യ മെലിയ ട്രംപ് ഇളയ കുട്ടിക്ക് ജന്മം നൽകിയ വേളയിൽ ട്രംപിന് നീലച്ചിത്രങ്ങളിലെ നായികയായിരുന്ന സ്റ്റെഫാനി ക്ലിഫോർഡുമായി ബന്ധമുണ്ടായിരുന്നുവെന്ന ആരോപണം അടുത്തിടെ പുറത്തുവന്നിരുന്നു. 2006-ലായിരുന്നു അത്. എന്നാൽ, ഈ ആരോപണം ട്രംപും സ്റ്റെഫാനിയും നിഷേധിച്ചു. വൂൾഫിന്റെ വെളിപ്പെടുത്തൽകൂടി വന്നതോടെ, ട്രംപിന്റെ പുതിയ കാമുകിയാരെന്ന ചോദ്യം അമേരിക്കൻ സമൂഹത്തിൽ വീണ്ടും സജീവമായി.
സ്‌റ്റെഫാനിയുമായുള്ള ട്രംപിന്റെ ബന്ധത്തെക്കുറിച്ചുള്ള സൂചനകൾ ആദ്യം വന്നത് വാൾ സ്ട്രീറ്റ് ജേണലിലാണ്. താനുമായുള്ള ബന്ധം പുറത്തുപറയാതിരിക്കുന്നതിന് ട്രംപും അദ്ദേഹത്തിന്റെ അറ്റോണി മൈക്കൽ കോഹനും ചേർന്ന് 2016-ലെ തിരഞ്ഞെടുപ്പ് പ്രചാരണത്തിന് തൊട്ടുമുമ്പ് സ്റ്റെഫാനിക്ക് 130,000 ഡോളർ നൽകിയെന്നായിരുന്നു റിപ്പോർട്ട്. എന്നാൽ, മിണ്ടാതിരിക്കാൻ ഇങ്ങനെ പണം വാങ്ങിയത് സ്റ്റെഫാനി മാത്രമല്ലെന്ന റിപ്പോർട്ടും പിന്നലെയുണ്ടായി. നൂറോളം സ്ത്രീകളെയാണ് തിരഞ്ഞെടുപ്പിന് തൊട്ടുമുമ്പ് പണം കൊടുത്ത് ട്രംപ് വശത്താക്കിയത്..
