കൊറോണ പ്രതിസന്ധിന്ധിയിലും മികച്ച അദ്ധ്യാപനം; മുടങ്ങാതെ ജോലി ചെയ്ത അദ്ധ്യാപകരെ പ്രശംസിച്ച് ഗോവ മുഖ്യമന്ത്രി

പനാജി: കൊറോണ പ്രതിസന്ധിക്കിടയിലും മികച്ച അദ്ധ്യാപനം കാഴ്ചവെച്ച അദ്ധ്യാപകരെ അഭിനന്ദിച്ച് ഗോവ മുഖ്യമന്ത്രി പ്രമോദ് സാവന്ത്. അദ്ധ്യാപക ദിനത്തിനു മുന്നോടിയായാണ് മുഖ്യമന്ത്രി ആശംസകൾ നേർന്നത്. ഗോവ ഗവർണർ പി എസ് ശ്രീധരൻ പിള്ളയും അദ്ധ്യാപകർക്ക് ആശംസകൾ നേർന്നു.

അദ്ധ്യാപന സംവിധാനങ്ങളിൽ മാറ്റങ്ങൾ ഉണ്ടായിട്ടും വിദ്യാർത്ഥികളുടെ പഠനത്തിൽ തടസ്സങ്ങളൊന്നും നേരിടുന്നില്ലെന്ന് അദ്ധ്യാപകർ ഉറപ്പു വരുത്തി. 'അദ്ധ്യാപകർ അറിവ് പകരുന്നതിനോടൊപ്പം വിദ്യാർത്ഥികളുടെ വ്യക്തിത്വ വളർച്ചക്കും വഴികാട്ടുന്നു' എന്ന് മുഖ്യമന്ത്രി പറഞ്ഞു.

ഡോ. എസ്. രാധാകൃഷ്ണന്റെ ജീവിതത്തിൽ നിന്ന് പ്രചോദനം ഉൾക്കൊണ്ട് അവരുടെ ചുമതലകൾ അർപ്പണബോധത്തോടുകൂടി നിർവഹിക്കാൻ ഗോവയിലെ അദ്ധ്യാപകരരോട് അദ്ദേഹം ആവശ്യപ്പെട്ടു.