കൊച്ചി: ലോക്ക്ഡൗണിന് ശേഷം വീടുകൾ കേന്ദ്രീകരിച്ചുള്ള മോഷണങ്ങളും കവർച്ചയും വർധിച്ചെന്നാണ് 65 ശതമാനം പൊലീസ് ഉദ്യോഗസ്ഥരും അഭിപ്രായപ്പെടുന്നതെന്ന് നവംബർ 15ലെ ഗാർഹിക സുരക്ഷാദിനാചരണത്തിന്റെ മുന്നോടിയായി പുറത്തിറക്കിയ ഗോദ്റെജ് ലോക്ക്സ് 'ഹർ ഘർ സുരക്ഷിത്' റിപ്പോർട്ട് 2020. രാജ്യത്തെ പൊലീസ് സേനയിൽ നിന്നുള്ള സുരക്ഷ സ്ഥിതി വിവരകണക്കുകളുടെ അടിസ്ഥാനത്തിലാണ് റിപ്പോർട്ട് തയ്യാറാക്കിയത്.

കോവിഡ് 19 പകർച്ചവ്യാധിയെ തുടർന്നുണ്ടായ തൊഴിലില്ലായ്മയാണ് മോഷണ നിരക്ക് വർധിക്കാർ ഒരു കാരണം. ചെറിയ മോഷണങ്ങൾ, വാഹന മോഷണം, കൊമേഴ്സ്യൽ ബ്രേക്ക്-ഇൻസ് തുടങ്ങിയവ ഇതിനകം വർധിച്ചതായി പൊലീസുകാർ സാക്ഷ്യപ്പെടുത്തുന്നു. ഇൻക്വോഗ്നിറ്റോ ഇൻസൈറ്റ് നടത്തിയ ഗവേഷണ പഠനത്തിന്റെ റിപ്പോർട്ട് ഗോദ്റെജ് ലോക്ക്സിന്റെ രാജ്യവ്യാപക പൊതുജന അവബോധ പരിപാടിയായ ഹർ ഘർ സുരക്ഷിത്തിന്റെ ഭാഗമായാണ് പുറത്തിറക്കിയത്. ഇന്ത്യയിലുടനീളമുള്ള പൊലീസ് ഉദ്യോഗസ്ഥർ സർവേയിൽ പങ്കെടുത്തു.

മോഷണ ഉണ്ടായതിന് ശേഷം മാത്രമാണ് ആളുകൾ സുരക്ഷയെ ഗൗരവമായി എടുക്കാൻ തുടങ്ങുന്നതെന്ന് 71% പൊലീസുകാരും സമ്മതിക്കുന്നതായി ഗോദ്റെജ് ലോക്ക്സ് റിപ്പോർട്ടിൽ പറയുന്നു. ആളുകൾ സുരക്ഷാ രീതികൾ സ്വീകരിക്കുന്നില്ലെന്നും ഇത് മോഷ്ടാക്കളുടെ അതിക്രമിച്ചു കടക്കലിന് സാധ്യത നൽകുന്നുവെന്നും 64% പൊലീസുകാർ അഭിപ്രായപ്പെട്ടു. ആളുകൾ അവരുടെ സുരക്ഷക്കായി അയൽക്കാരെയും/വീട്ടുജോലിക്കാരെയും/സുരക്ഷ ജീവനക്കാരെയും ആശ്രയിക്കുന്നതായി 68% പൊലീസുകാരും അഭിപ്രായപ്പെട്ടു.

സ്വന്തം സുരക്ഷയ്ക്ക് സജീവമായ നടപടികൾ കൈക്കൊള്ളുന്നതിനുപകരം പൗരന്മാർ അവരുടെ സുരക്ഷക്കായി മറ്റുള്ളവരെ എങ്ങനെ ആശ്രയിക്കുന്നുവെന്ന് ഇത് അടിവരയിടുന്നതായും റിപ്പോർട്ട് ചൂണ്ടിക്കാട്ടുന്നു. സാങ്കേതികവിദ്യ നമ്മുടെ ദൈനംദിന ജീവിതത്തിന്റെ ഭാഗമായി മാറിയ ഈ ഡിജിറ്റൽ യുഗത്തിൽ, സുരക്ഷയ്ക്ക് സാങ്കേതിക വിദ്യയെകുറിച്ച് പൊതുജന അവബോധം വളർത്തേണ്ടത് അത്യാവശ്യമാണെന്നാണ് 85% പൊലീസുകാരും കരുതുന്നത്. ലോക്ഡൗൺ സമയത്ത് പൊലീസിനെക്കുറിച്ചുള്ള പൊതു ധാരണ മെച്ചപ്പെട്ടുവെന്ന് 65% പൊലീസുകാർ അഭിപ്രായപ്പെട്ടതാണ് മറ്റൊരു ശ്രദ്ധേയമായ കാര്യം.

പൊലീസ് സേനയിൽ നിന്നുള്ള വിവരങ്ങൾ പ്രകാരം വീടുകളിലെ സുരക്ഷയെ സംബന്ധിച്ച് പ്രധാന വെളിപ്പെടുത്തലാണ് ഹർ ഘർ സുരക്ഷിത് റിപ്പോർട്ട് 2020 എന്ന് ഗവേഷണ റിപ്പോർട്ടിനെക്കുറിച്ച് ഗോദ്റെജ് ലോക്സ് എക്സിക്യൂട്ടീവ് വൈസ് പ്രസിഡന്റും ബിസിനസ് മേധാവിയുമായ ശ്യാം മൊട്വാനി പറഞ്ഞു. ഗാർഹിക സുരക്ഷാ പരിഹാരങ്ങളെ കുറിച്ച് പൊതുജന അവബോധം വളർത്താൻ 85% പൊലീസുകാർ ശുപാർശ ചെയ്യുന്നതിനാൽ, ഹർ ഘർ സുരക്ഷിത് സംരംഭത്തിലൂടെ ആളുകളുടെ സുരക്ഷാ വർധിപ്പിക്കുന്നതിനുള്ള ശ്രമങ്ങളിലേക്ക് ഗോദ്റെജ് ലോക്സ് കേന്ദ്രീകരിക്കുമെന്നും അദ്ദേഹം കൂട്ടിച്ചേർത്തു.

 

ഗോദ്റെജ്