കൊച്ചി: സംസ്ഥാനത്ത് സ്വർണ വിലയിൽ വീണ്ടും ഇടിവ്. പവന് 120 രൂപയാണ് കുറഞ്ഞത്. ഒരു പവൻ സ്വർണത്തിന്റെ ഇന്നത്തെ വില 35,360 രൂപ. ഗ്രാം വില 15 രൂപ താഴ്ന്ന് 4420 രൂപയായി.

സ്വർണം ഇന്നലെ പവന് 80 രൂപ കുറഞ്ഞിരുന്നു. തുടർച്ചയായ ദിവസങ്ങളിലെ വർധനയ്ക്കു ശേഷമാണ് ഇന്നലെ വില താഴ്ന്നത്. മാസത്തിന്റെ തുടക്കത്തിൽ 36,000 രൂപയായിരുന്ന വില ഒരാഴ്ചയ്ക്കു ശേഷം 34,680 വരെയായി കുറഞ്ഞു. പിന്നീട് വില തിരിച്ചുകയറുകയായിരുന്നു.