കൊച്ചി: കൊച്ചി രാജ്യാന്തര വിമാനത്താവളത്തിൽ വച്ച് രണ്ട് കിലോയിലേറെ സ്വർണം പിടികൂടി. കുവൈത്തിൽ നിന്ന് എത്തിയ മലപ്പുറം സ്വദേശി ഷെരീഫിൽ നിന്നാണ് സ്വർണം പിടികൂടിയത്. റേഡിയോയിലും കളിപ്പാട്ടത്തിലും ഒളിപ്പിച്ച നിലയിലായിരുന്നു സ്വർണം. ഡയറക്ടറേറ്റ് ഓഫ് റവന്യൂ ഇന്റലിജൻസ് വിഭാഗമാണ് യാത്രക്കാരിനിൽ നിന്ന് സ്വർണം പിടികൂടിയത്

ആഴ്ചകൾക്ക് മുൻപ് വിവിധ യാത്രക്കാരിൽ നിന്നായി 5.17 കിലോഗ്രാം സ്വർണം കസ്റ്റംസ്, ഡിആർഐ വിഭാഗങ്ങൾ പിടികൂടിയിരുന്നു. കുവൈത്തിൽ നിന്നെത്തിയ മലപ്പുറം സ്വദേശികളിൽ നിന്നാണ് ഡിആർഐ 3447 ഗ്രാം സ്വർണം പിടികൂടിയത്. എമർജൻസി ലാംപ്, റേഡിയോ തുടങ്ങിയവയുടെ ഭാഗങ്ങളാക്കിയാണ് ഇവർ സ്വർണം കടത്താൻ ശ്രമിച്ചത്. രഹസ്യ വിവരം ലഭിച്ചതിനേത്തുടർന്ന് എത്തിയ ഡിആർഐയുടെ പ്രത്യേക സംഘമായിരുന്നു ഇവരെ പിടികൂടിയത്.

 

 

അറസ്റ്റ്നെടുമ്പാശ്ശേരിസ്വർണ്ണക്കടത്ത്

മറുനാടന്‍ മലയാളി

    മറുനാടന്‍ മലയാളി ബ്യൂറോ