ഗൂഗിൾ ക്രോം അടിയന്തരമായി അപ്ഡേറ്റ് ചെയ്യാൻ ഉപയോക്താക്കൾക്ക് നിർദ്ദേശം. വിൻഡോസ്, ലിനക്സ്, തുടങ്ങിയ ഓപ്പറേറ്റിങ് സിസ്റ്റങ്ങളിൽ പ്രവർത്തിക്കുന്ന കമ്പ്യൂട്ടറുകളിൽ ഗൂഗിൾ ക്രോമിന് അപകടസാധ്യത നിലനിൽക്കുന്നതായാണ് മുന്നറിയിപ്പിൽ പറയുന്നത്. സീറോ-ഡേ അപകടസാധ്യത മുന്നിൽ കണ്ടാണ് ഗൂഗിൾ ക്രോം ഉപയോക്താക്കൾക്ക് വേണ്ടി ഗൂഗിൾ അടിയന്തര സുരക്ഷാ അപ്‌ഡേറ്റ് മുന്നറിയിപ്പ് നൽകിയത്.

ഗൂഗിൾ ക്രോം പതിപ്പ് 99.0.4844.84-ലേക്ക് അടിയന്തരമായി അപ്‌ഡേറ്റ് ചെയ്യാനാണ് നിർദ്ദേശം. ഒറ്റ സുരക്ഷ പ്രശ്നം പരിഹരിക്കാനാണ് ഈ അപ്ഡേറ്റ്. അതീവ ഗൗരവമാണ് നിലവിലെ ആക്രമണ സാധ്യത എന്നും മുന്നറിയിപ്പിൽ പറയുന്നു.

മാർച്ച് 25-ന് പ്രസിദ്ധീകരിച്ച ക്രോമിന്റെ അപ്ഡേറ്റ് അറിയിപ്പിൽ 'സിവിഇ 2022-1096 എന്നതിൽ നിന്നുള്ള ആക്രമണം ഏതു രീതിയിലും പ്രതീക്ഷിക്കാമെന്ന് ഗൂഗിൾ പറയുന്നു. അതിനാൽ എല്ലാ ക്രോം ഉപയോക്താക്കളും അവരുടെ ബ്രൗസറുകൾ അടിയന്തിരമായി അപ്‌ഡേറ്റ് ചെയ്തിട്ടുണ്ടെന്ന് ഉറപ്പാക്കാൻ ഗൂഗിൾ നിർദ്ദേശിക്കുന്നു.

മറുനാടന്‍ മലയാളി

    മറുനാടന്‍ മലയാളി ബ്യൂറോ