ഷിക്കാഗോ: ഇരുപതിലധികം രാജ്യങ്ങളിൽ വ്യാപിച്ചുകിടക്കുന്നതും, 25 വർഷം പഴക്കമുള്ളതുമായ ഇന്ത്യക്കാരുടെ ഏറ്റവും വലിയ ഗ്ലോബൽ സംഘടനയായ ഗോപിയോ ഇന്റർനാഷണലിന്റെ ഷിക്കാഗോ ചാപ്റ്റർ ഔപചാരിചകമായി കോൺസുലേറ്റ് ജനറൽ ഓഫ് ഇന്ത്യ ഡോ. ആസിഫ് സയിദ് നവംബർ 11-ന് നോർത്ത് ഷെയർ ബാങ്ക്വറ്റ് ഹാളിൽ വച്ച് നടന്ന ചടങ്ങിൽ ഉദ്ഘാടനം ചെയ്തു. ഗോപിയോ എക്‌സിക്യൂട്ടീവ് വൈസ് പ്രസിഡന്റ് സണ്ണി കുലത്താക്കൽ അധ്യക്ഷനായിരുന്നു.

തുടർന്ന് നടന്ന തെരഞ്ഞെടുപ്പിൽ ഗ്ലാഡ്‌സൺ വർഗീസിനെ ഷിക്കാഗോ ചാപ്റ്ററിന്റെ പ്രസിഡന്റായി ഐക്യകണ്‌ഠ്യേന തെരഞ്ഞെടുത്തു. ഗ്ലാഡ്‌സൺ വർഗീസ് ഇപ്പോൾ വെസ്റ്റിങ് ഹൗസ് കോർപ്പറേഷന്റെ ഡിവിഷണൽ ഡയറക്ടർ, ഐ.ടി കമ്പനിയായ യു.എസ് ടെക്‌ട്രോണിക്‌സിന്റെ പ്രസിഡന്റ് ആൻഡ് സിഇഒ, ഇല്ലിനോയിസ് സ്ട്രക്ചറൽ എൻജനീയറിങ് ബോർഡ് കമ്മീഷണർ എന്നീ പദവികളും, ഫോമയുടെ ജനറൽ സെക്രട്ടറി, മലയാളി എൻജിനീയേഴ്‌സ് അസോസിയേഷൻ ഇൻ നോർത്ത് അമേരിക്ക പ്രസിഡന്റ്, ഇന്തോ അമേരിക്കൻ ഡെമോക്രാറ്റിക് ഓർഗനൈസേഷൻ സെക്രട്ടറി, ഐ.എൻ.ഒ.സി ഷിക്കാഗോ ചാപ്റ്റർ പ്രസിഡന്റ് എന്നീ പദവികളും വഹിച്ചിട്ടുണ്ട്. പ്രശസ്തമായ പെർഡ്യൂ യൂണിവേഴ്‌സിറ്റിയിൽ നിന്ന് എൻജീനീയറിങ്, ഓപ്പറേഷണൽ മാനേജ്‌മെന്റിൽ എം.ബി.എ ബിരുദങ്ങൾ നേടിയിട്ടുണ്ട്.

മറ്റ് സ്ഥാനങ്ങളിലേക്ക് തെരഞ്ഞുടക്കപ്പെട്ടവർ: വൈസ് പ്രസിഡന്റായി പ്രമുഖ വ്യവസായി ഹേമന്ത് ത്രിവേദി (ഗുജറാത്ത്), സെക്രട്ടറിയായി പഞ്ചാബി അസോസിയേഷൻ പ്രസിഡന്റും വ്യവസായ പ്രമുഖനുമായ സാവീന്ദർ സിങ് (പഞ്ചാബ്), ട്രഷററായി വിൻട്രെസ്റ്റ് ബാങ്ക് പേട്രണും, വൈസ് പ്രസിഡന്റുമായ സയ്യദ് ഹുസയനി (ആന്ധ്രാപ്രദേശ്), ജോയിന്റ് സെക്രട്ടറിയായി അഗിലയി കോർപ്പറേഷൻ സിഇഒ വിക്രന്ത് സിങ് (ഹരിയാന), ജോയിന്റ് ട്രഷററായി പ്രമുഖ വ്യവസായി ജോ നെടുങ്ങോട്ടിൽ (കേരളം), ബോർഡ് ഓഫ് ഡയറക്‌ടേഴ്‌സ് ആയി പ്രമുഖ ഫിസിഷ്യനും ഐ.എ.ഡി.ഒ, ഐ.എ.സി എന്നീ സംഘടനകളുടെ മുൻ പ്രസിഡന്റുമായ ഡോ. ബാപ്പു അർക്കാപ്പുഡി (ആന്ധ്രാപ്രദേശ്), രാജസ്ഥാനി അസോസിയേഷൻ പ്രസിഡന്റ് രാം സെയ്‌നി (രാജസ്ഥാൻ), മഹാരാഷ്ട്ര അസോസിയേഷൻ പ്രസിഡന്റ് കേദാർ നാവക്കൽ (മഹാരാഷ്ട്ര), എഫ്.ഐ.എ ജോയിന്റ് സെക്രട്ടറി ഹരീഷ് കൊളസാനി (തെലുങ്കാന) എന്നിവർ തെരഞ്ഞെടുക്കപ്പെട്ടു. മലയാളികളായ ഡോ. എം. അനിരുദ്ധൻ (മുൻ ഫോമാ പ്രസിഡന്റ്), ഡോ. റോയ് തോമസ് എന്നിവർ അംഗങ്ങളാണ്.

എക്‌സിക്യൂട്ടീവ് വൈസ് പ്രസിഡന്റ് സണ്ണി കുലത്താക്കൽ ഗോപിയോയുടെ കാഴ്ചപ്പാട്, നേട്ടങ്ങൾ, പ്രവർത്തനങ്ങൾ എന്നിവയെക്കുറിച്ച് വിവരിച്ചു. അതിനുശേഷം എല്ലാവരേയും 2015 ജനുവരിയിൽ ന്യൂഡൽഹിയിൽ വച്ച് നടക്കുന്ന ഗോപിയോ ഇന്റർനാഷണൽ കൺവൻഷനിലേക്ക് സ്വാഗതം ചെയ്തു. വിദേശകാര്യമന്ത്രി സുഷമ സ്വരാജ് സമ്മേളനം ഉദ്ഘാടനം ചെയ്യും. പുതുതായി തെരഞ്ഞെടുക്കപ്പെട്ട ഗ്ലാഡ്‌സൺ വർഗീസ് എല്ലാവരേയും സ്വാഗതം ചെയ്യുകയും, ഗോപിയോ ഷിക്കാഗോ ചാപ്റ്ററിന്റെ ഭാവി പരിപാടികൾ വിവരിക്കുകയും, അമേരിക്കയിലെ ഏറ്റവും വലിയ ചാപ്റ്ററായി ഇതിനെ വളർത്തുകയും വേണമെന്ന് അഭിപ്രായപ്പെടുകയും ചെയ്തു. ഇന്ത്യൻ സമൂഹത്തിലെ ഏറ്റവും പ്രഗത്ഭരായ നേതാക്കളാണ് ഈ ചാപ്റ്റിന് നേതൃത്വം നൽകുന്നതെന്ന് അദ്ദേഹം അറിയിച്ച. ഈ സംഘടന ഉദ്ഘാടനം ചെയ്ത കോൺസൽ ജനറൽ ഡോ. ആസിഫ് സയ്യിദ് ഐ.എഫ്.എസ്, ഗോപിയോ ഷിക്കാഗോ ചാപ്റ്ററിന് വളരെയേറെ നല്ല കാര്യ ചെയ്യാൻ സാധിക്കുമെന്നും, ഇന്ത്യൻ സമൂഹം നേരിടുന്ന പ്രശ്‌നങ്ങൾ ചൂണ്ടിക്കാട്ടി നിവേദനം നൽകിയാൽ അത് ഇന്ത്യൻ പ്രസിഡന്റിനും പ്രധാനമന്ത്രിക്കും ജനുവരിയിൽ നടക്കുന്ന പി.ബിഡി സമ്മേളനത്തിൽ വച്ച് നൽകാൻ സാധിക്കുമെന്ന് പറയുകയും ചെയ്തു.

ഷിക്കാഗോയിലെ പ്രമുഖ സംഘടനാ നേതാക്കളായ എൻ.എഫ്.ഐ.എ ദേശീയ പ്രസിഡന്റ് സോഹൻ ജോഷി, മുൻ ഇല്ലിനോയിസ് ഡപ്യൂട്ടി ട്രഷറർ രാജാ കൃഷ്ണമൂർത്തി, ഇന്തോ- അമേരിക്കൻ ഡെമോക്രാറ്റിക് ഓർഗനൈസേഷൻ പ്രസിഡന്റ് ഡോ. ആഷിഷ് സെൻ, ഗോപിയോ ലൈഫ് മെമ്പർ (ഡിട്രോയിറ്റ്) രാധാകൃഷ്ണൻ എന്നിവർ പ്രസംഗിക്കുകയും എല്ലാവിധ ആശംസകളും സഹകരണങ്ങളും ഗോപിയോ ഷിക്കാഗോയ്ക്ക് വാഗ്ദാനം ചെയ്യുകയും ചെയ്തു. പഞ്ചാബി ധാബാ റെസ്റ്റോറന്റിൽ വച്ച് നടന്ന ഡിന്നറോടുകൂടി പരിപാടികൾ സമാപിച്ചു.