കൊച്ചി: എറണാകുളം ഗവൺമെന്റ് ലോ കോളേജിൽ 2017-18 അദ്ധ്യയന വർഷത്തിൽ കൊമേഴ്സ് വിഭാഗത്തിൽ ഗസ്റ്റ് അദ്ധ്യാപകന്റെ ഒരു ഒഴിവുണ്ട്. എറണാകുളം കോളേജ് വിദ്യാഭ്യാസ വകുപ്പ് ഉപമേധാവിയുടെ കാര്യാലയത്തിൽ ഗസ്റ്റ് അദ്ധ്യാപക പാനലിൽ പേര് രജിസ്റ്റർ ചെയ്തിട്ടുള്ള യുജിസി മാനദണ്ഡമനുസരിച്ച് നിശ്ചിതയോഗ്യതയുള്ള ഉദ്യോഗാർത്ഥികൾക്ക് ഈ ഒഴിവിലേക്ക് അപേക്ഷിക്കാം. ഉദ്യോഗാർത്ഥികൾ ഫെബ്രുവരി 19 രാവിലെ 11-ന് വിദ്യാഭ്യാസ യോഗ്യത, ജനനതീയതി, മുൻപരിചയം എന്നിവ തെളിയിക്കുന്ന ഒറിജിനൽ സർട്ടിഫിക്കറ്റുകളുമായി പ്രിൻസിപ്പാൽ മുമ്പാകെ ഹാജരാകണം.