ന്യൂയോർക്ക്: ഹോളിവുഡിൽ താരദമ്പതികൾ വിവാഹബന്ധം വേർപെടുന്നത് പതിവ് പരിപാടിയാണ്. വേർപിരിഞ്ഞാലും പരസ്പ്പരം ബഹുമാനത്തോടെ കഴിയുന്നവരാണ് ഏറെയും. ഞങ്ങളിപ്പോൾ നല്ല സുഹൃത്തുക്കളാണ് എന്നു പറയുന്നവരുമുണ്ട്. എന്നാൽ, മുൻ ഭർത്താവിനെ സഹോദരൻ എന്ന് വിളിച്ചാലോ? വേർപിരിയലിന് ശേഷം ഒറു ഹോളിവുഡ് നടി മുൻഭർത്താവിനെ അഭിസംബോധന ചെയ്തത് സഹോദൻ എന്നാണ്.

ഹോളിവുഡ് താരങ്ങളായ ക്രിസ് മാർട്ടിനും ഗ്വനേത് പാൽട്രോയും തമ്മിൽ 2016 ലാണ് വേർപിരിയുന്നത്. ഒരു പതീറ്റാണ്ടിലധികം നീണ്ട ദാമ്പത്ത്യത്തിന് തിരശ്ശീല വീണത് ആരാധകരെയും സിനിമാലോകത്തെയും ഞെട്ടിച്ചിരുന്നു. പതിമൂന്നു വയസ്സും പതിനൊന്നും വയസ്സുള്ള രണ്ട് കുട്ടികളുണ്ട് ഈ ദമ്പതികൾക്ക്.

കഴിഞ്ഞ ദിവസം ഒരു ചാനലിന് പാൽട്രോ നൽകിയ അഭിമുഖം ഇപ്പോൾ വലിയ ചർച്ചയായി മാറിക്കഴിഞ്ഞിരിക്കുകയാണ്. മുൻ ഭർത്താവിനെ സഹോദരൻ എന്ന് പാൽട്രോ വിശേഷിച്ചപ്പോൾ എല്ലാവരും അമ്പരന്നു. വിവാഹ മോചനത്തെക്കുറിച്ചുള്ള ചോദ്യത്തെക്കുറിച്ച് പ്രതികരിക്കുകയായിരുന്നു നടി.

വിവാഹ മോചനം വളരെ ദുഃഖം നിറഞ്ഞ സംഗതിയാണ്. എന്നെ സംബന്ധിച്ച് അത്ര എളുപ്പമല്ലായിരുന്നു. ക്രിസ് എനിക്ക് സഹോദരനെ പോലെയാണ്. ഞങ്ങൾ രണ്ടുപേരും കുഞ്ഞുങ്ങളുടെ സന്തോഷത്തിനാണ് പ്രധാന്യം നൽകുന്നത്. അതുകൊണ്ടാണ് വിവാഹ മോചനത്തിന് ശേഷവും ഞങ്ങൾ ഒരു കുടുംബം പോലെ കഴിഞ്ഞത് പാൽട്രോ പറഞ്ഞു.

പാൽട്രോയുടെ വാക്കുകളെ പരിഹസിച്ച് പലരും രംഗത്തെത്തിയിട്ടുണ്ട്. വേർപിരിഞ്ഞാലും ആരെങ്കിലും മുൻ ഭർത്താവിനെ സഹോദരൻ എന്ന് വിളിക്കുമോ എന്നാണ് പലരും ചോദിക്കുകയാണ്. മാർട്ടിനുമായി വേർപിരിഞ്ഞതിന് ശേഷം നിർമ്മാതാവും നടനുമായ ബ്രാഡ് ഫാൽച്ചുക്കുമായി പാൽട്രോയുടെ വിവാഹ നിശ്ചയം കഴിഞ്ഞിരുന്നു.