മേഗൻ മാർകിൾ ഹാരി രാജകുമാരനുമായി അടുക്കാൻ തുടങ്ങിയത് മുതൽ ഹാരിയുടെ സഹോദരനും സഹോദരിയും പിതാവും അവർക്കെതിരെ കടുത്ത ആരോപണങ്ങളുമായി രംഗത്തെത്താൻ തുടങ്ങിയത് ഇപ്പോഴും തുടരുകയാണ്. കൊട്ടാരത്തിൽ ഹാരിയുടെ രാജകുമാരിയായി മേഗനെ സ്വൈര്യത്തോടെ വാഴാൻ ഒരിക്കലും അനുവദിക്കില്ലെന്ന നിലപാടിലാണ് മേഗന്റെ സഹോദരിയായ സാമന്ത മാർകിൾ. നാളിതുവരെ മേഗൻ പറഞ്ഞ നുണകളെക്കുറിച്ചും തട്ടിപ്പുകളെ കുറിച്ചും പുസ്തകം എഴുതുന്ന തിരക്കിലാണ് സാമന്തയിപ്പോൾ. മേഗന്റെ കുഞ്ഞ് പിറക്കുന്ന ദിനത്തിലാണ് തന്റെ പുസ്തകം പ ുറത്തിറക്കാൻ സാമന്ത ആലോചിക്കുന്നത്.

''ദി ഷാഡോസ് ഓഫ് ദി ഡചസ്'' എന്ന പേരിലുള്ള പുസ്തകം ഏപ്രിൽ അല്ലെങ്കിൽ മെയ്‌ മാസത്തിൽ പുറത്തിറക്കാനാണ് സാമന്ത ആലോചിക്കുന്നത്.മേഗന്റെ കുട്ടി പിറക്കുന്ന ദിവസത്തിന് അനുസരിച്ചായിരിക്കും പുസ്തകത്തിന്റെ പ്രകാശനം തീരുമാനിക്കുന്നത്. മേഗനെ കുറിച്ച് സാമന്തയുടെ ഡയറിക്കുറിപ്പുകളാന്നായിരുന്നു നേരത്തെയുള്ള സൂചന. എന്നാൽ അതിലുപരി മേഗന്റെ യഥാർത്ഥ മുഖം വ്യക്തമാക്കുന്ന കാര്യങ്ങളായിരിക്കും ഇതിലുണ്ടാവുകയെന്നാണ് സാമന്ത ഇപ്പോൾ ഞെട്ടിപ്പിക്കുന്ന വെളിപ്പെടുത്തലുകൾ നടത്തിയിരിക്കുന്നത്.

ഈ പുസ്തകത്തിൽ മേഗനെ കുറിച്ചുള്ള യാഥാർത്ഥ്യങ്ങൾ മാത്രമേയുള്ളുവെന്നും സാമന്ത അവകാശപ്പെടുന്നു. മേഗനെ താൻ വിമർശിച്ചതിനെ തുടർന്ന് തനിക്കെതിരെ ഓൺലൈനിലും അല്ലാതെയും കടുത്ത നീക്കങ്ങളാണ് നേരിടേണ്ടി വന്നിരിക്കുന്നതെന്നും സാമന്ത പറയുന്നു. ഇതിന്റെ ഭാഗമായി സോഷ്യൽ മീഡിയയിലൂടെ തനിക്ക് തെറിവിളികളും ഭീഷണികളും നേരിടേണ്ടി വന്നിരുന്നുവെന്നും തന്റെ അക്കൗണ്ടുകൾ ഹാക്ക് ചെയ്യാൻ കടുത്ത ശ്രമങ്ങളുണ്ടായെന്നും സാമന്ത പറയുന്നു. ഇതിന് പുറമെ തനിക്ക് വധഭീഷണിയും നിരന്തരം അഭിമുഖീകരിക്കേണ്ടി വന്നിട്ടുണ്ട്.

കഴിഞ്ഞ കുറച്ച് കാലങ്ങളായി സാമന്ത മേഗനെതിരെ നടത്തി വരുന്ന കടുത്ത ആരോപണങ്ങളുടെയും വിമർശനങ്ങളുടെയും തുടർച്ചയെന്ന നിലയിലാണ് പുതിയ വിമർശനവും സാമന്ത ഉയർത്തിയിരിക്കുന്നത്. തങ്ങളുട പിതാവ് തോമസ് മാർകിളിനെ വിവാഹ ശേഷം മേഗൻ തിരിഞ്ഞ് നോക്കിയില്ലെന്ന വിമർശനവും മേഗൻ ഇതിന് മുമ്പ് ഉയർത്തിയിരുന്നു. ഹൃദയശസ്ത്രക്രിയ നടത്തി വിശ്രമിക്കുകയാണെന്ന പേര് പറഞ്ഞ് തോമസ് മേഗന്റെ വിവാഹത്തിന് പോലും എത്തിയിരുന്നില്ല.

വിവാഹത്തിന് ശേഷം മേഗൻ തന്നെ ഒരു വട്ടം ഫോണിൽ പോലും ബന്ധപ്പെട്ടില്ലെന്ന കടുത്ത വിമർശനവും തോമസ് ഉയർത്തിയിരുന്നു. വന്ന വഴികൾ മറക്കുന്ന നന്ദിയില്ലാത്തവളാണ് തന്റെ സഹോദരിയെന്ന വിമർശനം മേഗന്റെ സഹോദരൻ തോമസ് ജൂനിയറും ഉയർത്തിയിരുന്നു.