ഒട്ടാവയിൽ താമസിക്കുന്നവർക്ക് മുന്നറിയിപ്പുമായി പബ്ലിക് ഹെൽത്ത് വിഭാഗം. പ്രളയത്തിന് ശേഷം അണുബാധ പടരാനുള്ള സാധ്യതയുള്ളതിനാൽ കിണർ വെള്ളം ഉപയോഗിക്കുന്നവർ ടെസ്റ്റ് ചെയ്ത ശേഷം മാത്രം ഉപയോഗിക്കണമെന്നാണ് ആരോഗ്യ വിഭാഗം അറിയിച്ചിരിക്കുന്നത്.

രാജ്യത്തെ ബാധിച്ച പ്രളയം മൂലം ഈ പ്രദേശങ്ങളിലെല്ലാം വെള്ളത്തിൽ മുങ്ങിയിരുന്നു.ഇതേ തുടർന്ന് അഴുക്ക് വെള്ളം കിണറുകളിൽ നിറയുകയും കിണറ്റിൽ മലിന ജലം നിറയാനും സാധ്യത കൂടുതലായതിനാലാണ് പരിശോധന നടത്താൻ അറിയിച്ചിരിക്കുന്നത്.

കിണർ വെള്ളം ടെസ്റ്റ് ചെയ്യാൻ പല ഭാഗങ്ങളിലായി സൗകര്യം ഒരുക്കിയിച്ചുണ്ട് വൈകുന്നേരം 8 ന് മുമ്പായി എമർജൻസി കമ്യൂണിറ്റി സപ്പോർട്ട് സെന്ററുകളിലെത്തിയും പരിശോധന നടത്താവുന്നതാണ്. കൂടാതെ ഒട്ടാവ പബ്ലിക് ഹെൽത്ത് വഭാഗം കൊരിയർ സർവ്വീസ് സംവിധാനം വെള്ളം ശേഖരിക്കാനായി ഏർപ്പെടുത്തിയിട്ടുണ്ട്.