ടോക്കിയോ: വിമാനവാഹിനി കപ്പലിൽ നിന്നും പറന്നുർന്ന യുഎസ് നേവിയുടെ ഹെലികോപ്റ്റർ തകർന്നു വീണു. നിരവധി സൈനികർക്ക് പരിക്കേറ്റു. യുഎസ്എസ് റൊണാൾഡ് റീഗൺ കപ്പലിന്റെ ഡക്കിലാണ് ഹെലികോപ്റ്റർ തകർന്നു വീണത്.

ഫിലിപ്പീൻസ് തീരത്തിനു സമീപം വെള്ളിയാഴ്ച രാവിലെയാണ് സംഭവമുണ്ടായത്. അതേസമയം, അപകടമുണ്ടാകാനുള്ള കാരണം വ്യക്തമല്ല. അന്വേഷണം തുടങ്ങിയതായി അധികൃതർ അറിയിച്ചു. പരിക്കേറ്റ സൈനികരുടെ നില ഗുരുതരമല്ല.