മഥുര: എന്തിനാണെന്ന് അറിയാത്ത പ്രക്ഷോഭമാണ് ഡൽഹി അതിർത്തിയിൽ പ്രക്ഷോഭം നടത്തുന്ന കർഷകർ നടത്തുന്നതെന്ന് നടിയും ബിജെപി എംപിയുമായ ഹേമ മാലിനി. കർഷകരെ ആരോ സമരത്തിനായി പിരികയറ്റി വിട്ടതാണെന്നും ഹേമ മാലിനി ആരോപിച്ചു.

കർഷക നിയമങ്ങൾ സുപ്രീം കോടതി സ്റ്റേ ചെയ്തത് നന്നായെന്ന് ഹേമ മാലിനി അഭിപ്രായപ്പെട്ടു. സ്ഥിതി ഒന്നു ശാന്തമാവാൻ അത് ഉപകരിക്കും. പലവട്ടം ചർച്ച നടത്തിയിട്ടും സമവായത്തിൽ എത്താൻ കർഷകർ സന്നദ്ധത പ്രകടിപ്പിച്ചില്ല. എന്തിനെന്ന് അറിയാത്ത സമരമാണ് അവരുടേത്. എന്താണ് വേണ്ടതെന്ന് അവർക്ക് അറിയില്ല. നിയമങ്ങളുടെ പ്രശ്നം എന്താണെന്ന് അവർ പറയുന്നില്ല. ആരോ പിരികയറ്റിയത് അനുസരിച്ചാണ് അവർ ഇതെല്ലാം ചെയ്യുന്നത് എന്നാണ് ഇതിനർഥം- ഹേമ മാലിനി പറഞ്ഞു.

കർഷക സമരം മൂലം പഞ്ചാബിൽ ഒട്ടേറെ നാശങ്ങളുണ്ടായി. മൊബൈൽ ടവറുകൾ തകർത്തത് ശരിയായ നടപടിയല്ല. സർക്കാർ പലവട്ടം ചർച്ചയ്ക്കു തയാറായിട്ടും കർഷർക്ക് ഒരു അ്ജൻഡ പോലും ഇല്ലെന്ന് ബിജെപി എംപി കുറ്റപ്പെടുത്തി.

 

ഡൽഹി പ്രക്ഷോഭംഹേമ മാലിനി