വിൽട്ടൺ സെന്റ് ജോസഫ് പള്ളയിൽ വിശുദ്ധകുർബ്ബാന മദ്ധ്യേ ഏഴ് കുട്ടികളുടെ ആഘോഷമായ കുർബ്ബാന സ്വീകരണം വിശ്വസികളുടെ നിറസാന്നിദ്ധ്യത്തിൽ നടത്തപ്പെട്ടു.

കുർബ്ബാന മദ്ധ്യേ നിത്യകിരീടത്തിന് അവകാശികൾ എന്ന നിലയിൽ കിരീട ധാരണവും, തങ്ങളുടെ ജീവിതത്തിന്റെ വഴിവിളക്കായ യേശുക്രിസ്തുവിനെ സൂചിപ്പിക്കുന്നതിനായി അലങ്കരിച്ച മെഴുകുതിരികളും കർത്താവിന്റെ സുവിശേഷം ജീവിത നിയമം ആക്കുവാൻ വേണ്ടി വിശുദ്ധ ഗ്രന്ഥ സ്വീകരണവും, കുരിശിലൂടെ രക്ഷ എന്ന സന്ദേശം സ്വീകരിച്ചുകൊണ്ട് കുരിശു സ്വീകരണവും, പരിശുദ്ധ കന്യാമറിയത്തിനോടുള്ള ബഹുമാനത്തിന്റെയും ആദരവിന്റെയും സൂചകമായി ജപമാലയും ഉത്തിരിയവും നൽകപ്പെട്ടു.വിശുദ്ധ കുർബ്ബാനയ്ക്ക് കോർക്കിലെ ഗായക സംഘം നേതൃത്വം കൊടുത്തു.

തിരുക്കർമ്മങ്ങൾക്ക് സീറോ മലബാർ സഭ ചാപ്ല്യൻ ഫാ. ഫ്രാൻസിസ് നീലങ്കാവിൽ, ഫാ. പോൾ തെറ്റയിൽ, ഫാ. ജെയ്‌സൺ കുത്തനാപ്പിള്ളി എന്നിവർ കാർമ്മികരായിരുന്നു.