ഡബ്ലിൻ; സീറോ മലബാർ സെന്റ് വിൻസെന്റ് മാസ്സ് സെന്ററിൽ കുട്ടികൾക്കായി തിരുബാലസഖ്യം (Holy Childhood) ഭക്ത സംഘടന രൂപീകരിച്ചു. മതബോധനത്തിന് വിധേയപെടുന്ന ഒന്നു മുതൽ 6 വരെ ക്ലാസ്സുകളിൽ പഠിക്കുന്ന കുട്ടികൾക്കായാണ് സംഘടന രൂപീകരിച്ചിരിക്കുന്നത്. ഫാ. മനോജ് പൊൻകാട്ടിൽ രക്ഷാധികാരിയും ജിൻസി ജിജി, മിനി ജോസഫ് എന്നിവർ അനിമേറ്റർമാരും, ജോസ് മാസ്റ്റർ, ജോയ് മാസ്റ്റർ എന്നിവർ സംഘടനയുടെ ഉപദേശകരും ആയിരിക്കും.

എല്ലാ ആദ്യ ഞായറാഴ്ചകളിലും രാവിലെ 10 മുതൽ 12 വരെ ഓട്ട്‌ലാന്റ് സ്‌കൂൾ ഓഡിറ്റോറിയത്തിൽ തിരുബാലസഖ്യം കൂട്ടായ്മയും കുട്ടികളെ വിവിധ വിഭാഗങ്ങളാക്കി മൂല്യ ബോധന ക്ലാസ്സുകളും മലയാള ഭാഷ ബോധനവും ഉണ്ടാകും. അതിനെത്തുടർന്ന് 12 മണിക്ക് ദിവ്യബലിയർപ്പണവും ഉണ്ടായിരിക്കും. ഡിസംബർ മാസത്തിലെ ആദ്യവാരം സ്‌കൂൾ ഹാൾ ലഭ്യമല്ലാത്തതിനാൽ ഡിസംബറിലെ തിരുബാലസഖ്യം ഡിസംബർ രണ്ടാം ഞായറാഴ്ച ആയിരിക്കും.