ഡബ്ലിൻ: സീറോ മലാബാർ ചർച്ച് താലാ കൂട്ടായ്മയിൽ 10 കുട്ടികളുടെ ആദ്യകുർബ്ബാന സ്വീകരണം 9ന് ശനിയാഴ്ച താലാ സ്പ്രിങ് ഫീൽഡ് സെന്റ് മാർക്‌സ് ചർച്ചിൽ വച്ച് നടത്തപ്പെടുന്നു. ഉച്ചകഴിഞ്ഞ് രണ്ടു മണിക്ക് വിശുദ്ധ കുർബ്ബാനയും തുടർന്ന് ആദ്യകുർബ്ബാന സ്വീകരണവും നടക്കും വിശുദ്ധ കർമ്മങ്ങൾക്ക് ഫാ . ജോസ് ഭരണിക്കുളങ്ങര, ഫാ .ജോസഫ് വെള്ളനാൽ OCD, ഫാ .സിജി പന്നകത്തിൽ SSP എന്നിവർ നേതൃത്വം നൽകും.

അനില ജോഷി, ആൻസൺ ജോഷി, അമൃത റെജി, ലിബി ടോബൻ, ഐറിൻ സോണി, സ്‌നേഹിൽ ടോണി, അലൻ ജോയ്, നേഹ ജിസ്സോയ്, അമേലിയ ഷാജി, ആൽവിൻ ജോസഫ് എന്നീ പത്ത് കുരുന്നുകളാണ് ആദ്യമായി ഈശോയെ സ്വീകരിക്കാൻ ഒരുങ്ങുന്നത് .താലാ മാസ്സ് സെന്റർ സെക്രട്ടറി ആന്റു വർഗ്ഗീസിന്റെ നേതൃത്വത്തിൽ വിപുലമായ ആഘോഷ പരിപാടികളാണ് പ്രഥമ ദിവ്യകാരുണ്യ ദിനത്തിൽ ഒരുക്കിയിരിക്കുന്നത് .തിരുക്കർമ്മങ്ങളിൽ പങ്കെടുത്ത് ,ആദ്യകുർബ്ബാന സ്വീകരിക്കുന്ന കുട്ടികൾക്ക് വേണ്ടി പ്രാർത്ഥിക്കുവാൻ എല്ലാ വിശ്വാസികളെയും സ്വാഗതം ചെയ്യുന്നതായി സീറോ മലബാർ ചാപ്ലയിന്മാരായ ഫാ .ജോസ് ഭരണിക്കുളങ്ങര ,ഫാ .ആൻഡ്ണി ചീരംവേലിൽ എന്നിവർ അഭ്യർത്ഥിച്ചു.