ഷിക്കാഗോ: സെന്റ് പീറ്റേഴ്‌സ് യാക്കോബായ സുറിയാനി ഓർത്തഡോക്‌സ് പള്ളിയിൽ ദുഃഖവെള്ളി, ദുഃഖശനി, ഈസ്റ്റർ ശ്രുശ്രൂഷകൾക്ക് കുര്യാക്കോസ് മോർ തെയോഫീലോസ് തിരുമേനിയും ആദായി ജേക്കബ് കോറെപ്പിസ്‌കോപ്പായും നേതൃത്വം നൽകും. മാർച്ച് 29 ഓശാന ഞായറാഴ്ച രാവിലെ 8.30നു പ്രഭാതപ്രാർത്ഥനയും തുടർന്ന് 9.15നു വി: കുർബ്ബാനയും ഓശാന ശുശ്രൂഷകളും നടക്കും.

ഏപ്രിൽ 1 പെസഹാ ബുധനാഴ്ച വൈകിട്ട് 7 മണിക്ക് സന്ധ്യാപ്രാർത്ഥനയും തുടർന്ന് വി: പെസഹാ കുർബ്ബാനയും നടത്തപ്പെടും. ഏപ്രിൽ 3 ദുഃഖവെള്ളിയാഴ്ച രാവിലെ 9 മണിക്ക് ശ്രുശ്രൂഷകൾ ആരംഭിക്കും. വൈകുന്നേരം 4 മണിയോടുകൂടി ശ്രുശ്രൂഷകൾ പര്യവസാനിക്കും. ശുശ്രൂഷ
കൾക്ക് കുര്യാക്കോസ് മോർ തെയോഫീലോസ് തിരുമേനി നേതൃത്വം വഹിക്കും.

ഏപ്രിൽ 4 ദുഃഖശനിയാഴ്ച രാവിലെ 9 മണിക്ക്  കുര്യാക്കോസ് മോർ തെയോഫീലോസ് തിരുമേനിയുടെ മുഖ്യകാർമ്മികത്വത്തിൽ പ്രഭാതപ്രാർത്ഥനയും തുടർന്ന് വി:കുർബ്ബാനയും ഉണ്ടായിരിക്കും. ഏപ്രിൽ 4 ശനിയാഴ്ച വൈകിട്ട് 8.00 നു കുര്യാക്കോസ് മോർ തെയോഫീലോസ് തിരുമേനിയുടെ മുഖ്യകാർമ്മികത്വത്തിലും  ആദായി ജേക്കബ് കോറെപ്പിസ്‌കോപ്പയുടെ സഹകാർമ്മികത്വത്തിലും സന്ധ്യാപ്രാർത്ഥനയും തുടർന്ന് വി: കുബ്ബാനയും ഈസ്റ്റർ ശ്രുശ്രൂഷകളും നടക്കും. ഏപ്രിൽ 5 ഞായറാഴ്ച വി കുർബ്ബാന ഉണ്ടായിരിക്കുന്നതല്ല. വിശ്വാസികൾ നമ്മുടെ കർത്താവും രക്ഷിതാവുമായ യേശുതമ്പുരാന്റെ കഷ്ഠാനുഭവ ആഴ്ച ശുശ്രൂഷകളിൽ ആദ്യാവസാനം പങ്കെടുത്ത് അനുഗ്രഹം പ്രാപിക്കണമെന്ന് വികാരി  തേലപ്പിള്ളിൽ സഖറിയ കോറെപ്പിസ്‌കോപ്പ അഭ്യർത്ഥിക്കുന്നു. ഏലിയാസ് പുത്തൂക്കാട്ടിൽ അറിയിച്ചതാണിത്.