പ്രവാസികൾക്കിടയിൽ ഒരു പേടി സ്വപനം പോലെ ദിനം പ്രതി അധികരിച്ചു വരുന്ന ഹൃദയാഘാതം എന്ന വിപത്തിനെ ഒരു പരിധി വരെ തടയാനും പ്രതിരോധിക്കാനും മാർച്ച് രണ്ട് വെള്ളിയാഴ്‌ച്ച അദ്‌ലിയ കാൾട്ടൺ ഹോട്ടലിൽ വെച്ച് വൈകുന്നേരം 6.30 മുതൽ 8.30 വരെ ''ഹൃദയസ്പർശം'' എന്ന പേരിൽ ബോധവൽക്കരണവും പരിശീലനങ്ങളും നടത്തുന്നു.

ഐ.വൈ.സി.സി, ഫ്രണ്ടസ് ഓഫ് ബഹ്‌റൈൻ, ലാൽ കെയേഴ്‌സ്, ഹോപ് ബഹ്‌റൈൻ എന്നീ സംഘടനകളുടെ കൂട്ടായ്മയിൽ ഡോക്ര് ബാബു രാമചന്ദ്രൻ, ഡോക്ടർ സോണി ജേക്കബ് എന്നിവരുടെ നിയന്ത്രണത്തിൽ ബോധവൽക്കരണവും സെമിനാറും പരിശീലന ക്‌ളാസ്സും നടത്തപ്പെടുമെന്ന് സംഘാടകർ അറിയിച്ചു.

ഒട്ടും നിനച്ചിരിക്കാതെ ഏതൊരു മനുഷൃനെയും നിമിഷനേരം കൊണ്ട് ഇല്ലാതാക്കി കളയുന്ന ഹൃദയാഘാതം എന്ന വിപത്ത് ബഹ്‌റൈനിൽ മാത്രം രണ്ട് മാസം കൊണ്ട് തട്ടിയെടുത്തത് അൻപതോളം പ്രവാസ ജീവനുകളാണ് .ബഹ്‌റൈനിലെ എല്ലാ മേഖലകളിലേക്കുംവളരെ പ്രയോജനകരമാം വിധം നടത്താനുദ്ദേശിക്കുന്ന സെമിനാറുകൾക്കും,പരിശീലനങ്ങൾക്കും നല്ലവരായ മുഴുവൻ ആളുകളുടെ പന്തുണ വേണമെന്നും ,കൂടെ കഴിയുന്ന ഏതോരു വൃക്തിക്കും ഒരു പക്ഷേ ഒരു ജീവൻ രക്ഷപ്പെടുത്താനായേക്കാവുന്ന പരിശീലനങ്ങളും ബോധവൽക്കരണവും നേരിട്ടറിയാനും മനസ്സിലാക്കാനും കുടുംബങ്ങളടക്കം എല്ലാവരും ഈ ക്‌ളാസ്സുകളിൽ സംബന്ധിക്കാൻ ശ്രദ്ധ ചെലുത്തണമെന്നും സംഘാടകർ അറിയിച്ചു.

വിശദ വിവരങ്ങൾക്ക് ബിജു മലയിൽ .36055273 , ജേൃാതിഷ് പണിക്കർ 39091901 എന്നീ നൻപറുകളിൽ ബന്ധപ്പെടാം.