ഭാര്യയെ കൊലപ്പെടുത്തി യുവാവ്; തല അറുത്തെടുത്ത് തെരുവിലൂടെ നടന്നു

ടെഹ്‌റൻ: ഇറാനിൽ ആളുകളുടെ മുൻപിൽവച്ച് 17കാരിയായ ഭാര്യയുടെ തല വെട്ടിയെടുത്ത് തെരുവിലൂടെ നടന്ന് യുവാവ്. അഹ്വാസ് നഗരത്തിലെ കാസെ സ്‌ക്വയറിൽ വച്ചാണ് ഇയാൾ ക്രൂരത ചെയ്തത്.

ഒരു കൈയിൽ തലയും മറ്റൊരു കൈയിൽ കത്തിയുമായി ആരെയും കൂസാതെയാണ് ഇയാൾ നടന്ന് ഭീതി പരത്തിയത്. ഭർത്താവിന്റെ ക്രൂരത സഹിക്കവയ്യാതെ യുവതി തുർക്കിയിലേക്ക് ഓടിപ്പോയിരുന്നു.

ഇവിടെ നിന്നും ഇയാൾ യുവതിയെ പിടിച്ചുകൊണ്ടുവന്നാണ് ക്രൂരത നടത്തിയത്. യുവാവിനൊപ്പം സഹോദരനും കൊലപാതകം നടത്താൻ കൂടി.

സംഭവത്തിന് ശേഷം ഇയാൾ ഓടിപ്പോയെങ്കിലും ഇയാള പൊലീസ് പിടികൂടി. കുടുംബ പ്രശ്നത്തെ തുടർന്നാണ് കൊലപാതകം നടത്തിയതെന്നാണ് ഇയാൾ പൊലീസിന് നൽകിയ മൊഴി.